Te Karere

TAREKAREKA TIPOTI A TE TAMARIKI APII
Kua raveia te tarekareka Tipoti a te Tamariki Apii Tuatai o Rarotonga nei koia te Prince of Wales i teia ra Varaire ra 13 o Noema akamata i te ora 8.30am, ki ko i te BCI Stadium. Kua riro e na te Apii St Joseph i akateretere i te porokaramu o teia ra. E tai ngauru apii i roto i te Tarekareka o teia ra. Ko te Apii Avarua oki te mou mai i te Kapu i te mataiti i topa.
ORONGAANGA RE A TE APII TUARUA
I teia Varaire ra 13 o Noema kua raveia te Oronga anga Re a te Apii Tereora no te au Pupu Mamaata. Ka raveia teia akakoroanga ki roto i te Telecom Sports Arena.
Ko te Apii Tuarua o Nukutere kua rave rai ratou i ta ratou Orongaanga Re i teia Varaire ra 13 ki roto i te St Joseph Hall i te ora 12.30pm i muri ake i ta ratou Pureanga i roto i te are Pure i te ora 11am i te popongi.
IRIIRI KAPUA NA TE KATOATOA NO RUNGA I TE AKAVAANGA ENUA
Ka rave te Tuanga o te Ture – Ministry o te Justice i tetai Iriiri Kapua a teia Monite ki mua na te katoatoa no runga i te tuatua o te tarau enua, mono ki runga i te enua, enua turanga are, e te au takaianga no runga i te tarau enua. Ka tai nei teia tu Iriiri Kapua ka raveia
Ra 16 o Noema ki roto i te Kent Hall i Titikaveka,
Ra 18 o Noema ki roto i te Ngatangiia Matavera Clubhouse
Ra 25 o Noema ki roto i te Calvary Hall i Arorangi
Ra 27 o Noema ki roto i te Pukapuka Hostel. Ka akamata teia au Iriiri Kapua katoatoa i te ora 6.30pm
MAINE PATIPIKA
Ka raveia te Tarere Maine Patipika ki te oire maata o Viti ko Suva, mei te ra 21-28 o Noema, e ko te Tumu Manako Maata o teia mataiti koia oki ko te taporoporoanga i to tatou ao rangi na roto i ta tatou peu e te akonoanga enua o te Patipika. E tai ngauru au tamaine, i roto i teia tarere anga no te au enua Niue, Samoa Marike, Tahiti, Samoa, Viti, Solomon, Papua Niu Kini, Tonga, Kuki Airani e Tuvalu e ko te tamaine Tuvalu e tai ngauru ma varu rai ona mataiti.
Ka akavaia teia au tamaine no ta ratou peu karape, rakei, paupau uianga,
Tei runga i te kupenga roro uira te ikianga no Maine Kupenga Roro Uira, aere atu ikiia ta tatou tamaine ki runga i te kupenga – www.misssouthpacificfiji.com
APII RUTAKI
Ka rave te apii Rutaki i tetai akakoroanga paporo uamoa kimikimi moni na ratou, no te tauturu i te oko mai i tetai au apinga apii na ratou no te mataiti ki mua.
TARERE NCEA
E tai tamaiti apii o Tereora kua akamata tana tarere NCEA i teia ra. Ko te maata anga o te tamariki apii a teia Tapati ta ratou tarere akamata ei. Mei tetai 140,000 au tamariki apii o Nuti Reni e rave katoa nei i ta ratou tarere i roto i teia tuatau, no teia rua e te apa epetoma i mua. Ko te apii Tereora ka raveia ta ratou tarere ki roto i te Princess Anne Hall. Ka topa rai ki rotopu aere i te marama ko Tianuare rauka mai ei te tuatua no te tarere a te tamariki apii.
KIMIKIMI MONI TAUTURU NO TETAI ARE TEI KA I TE AI
Ka rave te iti tangata Tongareva i tetai kimikimianga moni na runga i te Ratio ei tauturu i te ngutuare tangata tei ka atu to ratou are i te ai i teia epetoma i topa i Matavera. Te akakite nei tetai Kumiti o teia taokotaianga Tongareva e kare i akapapu ia ake te ra e raveia ei teia inara ka akakite ia mai rai ki te katoatoa.
TUEPORO TAKIITU
Kua peke ki te enua ko Samoa te Tarere Tueporo Takiitu - Oceania Sevens tei raveia ki te enua ko Tahiti i teia openga epetoma i topa. Kua ruti atu ia ratou te pupu o te enua Tonga, Vanuatu, Papua Niu Kini, e te Kuki Airani 33-7, inara kua ruti atu ratou i te pupu o te Niue 7-5.

Herald Issue 463 10 June
- World famous activist assisting residents
- Budget will decide if residents prosecute Government over landfill
- Forestry project sucking Mangaia dry
- Budget 2010 – fiasco or disaster?