Te Karere

RA NO TE MAKI AIDS O TEIA NEI AO TEI AKAMAARA’IA
Kua rave’ia te akamaara I te Ra no te maki aids no teia nei ao. Kua rave’ia oki teia akamaara I vao I te ngutuare o tetau au pitinit i Rarotonga nei mei te pangika Westpac e te Pangika o te Kuki Airani na roto I te turamarama uatu kit e iti tangata tetai au karere no runga I teia maki kino e totoa nei I teia nei ao.
Te pera katoa nei oki te aka-ma’uruuru’anga uatu I te karere no teia maki I te au basileiia takapini I te moana nui o kiva e I Tonga ka akaari atu ratou I nga teata poto e 4 tei o atu ki roto I tetai tarere maata no runga rai I teia maki. I Araura, ka pera katoa te porokaramu no teia maki e pera katoa a Mangaia.
Ko te akakoro’anga maata oki o teia Ra no te maki aids o teia nei ao I te akakitekite’anga I te iti tangata takapini I teia nei ao no te rikarika o teia maki aids

RA NO TE AU PAKIPAKI TAI
I teia paraparau I t era 3 no Titema ko te akamaara’anga tei reira I t era no te aronga pakipakitai o teia nei ao. Kua akamata ta tatou akamaara’anga no teia ra I teia monite I topa I te rave’anga atu te Kumiti Akaaere o teia Taokotai’anga o te Kuki Airani I tetai karangaranga na runga ia Ratio Kuki Airani. I te Ruirua, kua riro te Tama Akatere o te Taokotai’anga Te Vaerua ei mata I runga ia Ratio Kuki Airani e pera te TV, tana karere no runga I teia ra maata. Ka riro teia ra paraparau ei okooko na te Taokotai’anga o te pakipakitai o te Kuki Airani. Ka reva’ia teia ki mua I te are toa Foodland I roto I te ngai tei akatu’anga’ia no te pakipakitai. Kua okooko atu ratou I tetai au manga tunutunu e kua irinaki iatu e e maata te iti tangata tei tae atu no teia akakoro’anga no ratou. Kua akamaroiroi oki teia Taokotai’anga I te iti tangata kia a’ao mai I tetai kara ripene matie I te akaari I ta ratou turu no te akakoro’anga o t era ra o te au pakipakitai.

TE TAMOU’ANGA I TETAI AU VAITO AKAIRO I TE VAI E TA’ANGAANGA IA NEI
I teia epetoma kua akamata atu te Tipatimani o te Vai I roto I te Kavamani I tamoumou I tetai au vaito akairo no te ta’angaanga’anga I te vai a te iti tangata I Rarotonga nei. Kua tamou iatu teia ki runga I te au pu paipa mama’ata takapini ia Rarotonga nei. Te akakite nei oki te tangata maata a Adrienne Teotahi e ka inangaro ratou kia rauka mai tetai tuatua papu I te akapou’anga vai o Rarotonga nei e te akamaroiroi katoa nei aia I te iti tangata kia ta’angaanga puapinga I te vai I te mea e e papu kore te turanga no te reva I teia nga taime mataora ta tatou e tomo nei I te Kirimiti e te mataiti ou. E au karere oki ta te Tipatimani o te vai e apai mai nei ki runga I ta tatou ratio e per ate au nuti pepa e te tv no teia au akamaroiroi’anga a te iti tangata kia ta’angaanga meitaki I te vai e auraka e kaimoumou ua.

KIMI MONI TAUTURU I TE AKAKORO’ANGA O TE NGUTUARE TANGATA TEI KA ATU I TE ‘AI
I teia Varaire I topa kua rave ia tetai kimikimi’anga moni nate iti tangata tauturu I te ngutuare tangata o Ben Peau Williams tei ka atu I te a’i I roto Ia rangiatea. Kua rave’ia tetai kimikimi’anga na runga ia Ratio Kuki Airani tei akamata atu I te tuaero i te avatea kite ora aiai roa e pera katoa tetai okooko’anga kai kit e aua Te Atukura akamata I te ora 10 I te popongi.
E manganui oki te iti tangata tei tae atu no te tauturu I teia kimikimi’anga moni e ko te maroiroi tei rauka mai na roto I te rima oronga I runga I te ratio e pera te okooko’anga mei te $10,000. Kua riro oki te iti tangata Tongareva o Rarotonga nei e pera katoa a Matavera I te opara e te akamaroiroi no teia kimikimi’anga moni e akakite nei nga tangata maata koia a Vaitoti Tupa o Matavera e pera a Willie o te Taokotai’anga o te iti tangata Tongareva o Rarotonga nei.

Herald Issue 463 10 June
- World famous activist assisting residents
- Budget will decide if residents prosecute Government over landfill
- Forestry project sucking Mangaia dry
- Budget 2010 – fiasco or disaster?