Te Karere
TAOKOTAI’ANGA KIMI MONI NO ARAURA ENUA
Kua akatupu’ia tetai taokotai’anga no te rotai’anga I te au kimi puapinga tautur I te iti tangata Araura ko ratou tei u atu I te uri’ia Pat. Ko ta ratou angaanga maata I te kimi tetai au ravenga kimikimi moni e te akakite nei te tama akatere ‘au a George George o teia taokotai’anga ka akamata atu ta ratou kimikimi’anga moni maata a teia Varaire e tu mai nei koia te kimikimi’anga na runga I te ratio Kuki Airani akamata I te tuaero.
Piri atu ki tetai tetai okooko’anga mereki kai kit e aua Te Atu Kura a te Varaire rai e pera katoa te rotai mai anga I te au aronga e tareni imene to ratou e pera te akatangi. Ka rave’ia teia a te maanakai ki te Makete Punanganui.
Te umuumu nei oki teia Kumiti I na George ei kia rauka ia ratou ara atu te $400,000.00 no teia akakoro’anga. Ko te au mema I runga I teia Kumiti ko George George te tama akatere au, ko Vaitoti Tupa te tauturu e ko te teketerete ko Flo Syme Buchaniani. Te akakite katoa nei oki a Syme e me pou mai te moni katoatoa ka oronga iatu tei reira ki riro I te kopapa metua o te iti tangata Araura.
Te akakite katoa nei te ratio Kuki Airani e kua tae mai te tuatua mei teia Taokotai’anga eo tetai uatu tu kimikimi’anga tauturu I teia akakoro’anga kia na roto tei reira Ia ratou. Te pera katoa nei oki te vaerua atoro I te au tu kimikimi’anga moni na roto I te taokotai’anga o Araura I teia au basileia I tai mai. Kua rave katoa’ia oki te au kimikimi’anga moni ki runga I te au enua I tai mai ia Rarotonga.
TE TAUTURU A NGA PITINITI TUNU VARAOA NO ARAURA
Kua riro nga pitiniti tunu varaoa o Rarotonga nei koia te Avvarua pera te Turoa I te oronga mai I ta ratou ka rauka no te akoro’anga akapuapinga I a Araura. Ka tuku atu ratou I tetai au varaoa kare e tutaki ki Aitutaki na roto I te taokotai’anga Red Cross.
TE RURU MINITA NO RUNGA I TE AU RO’I TEI TA’ANGAANGA IA NO TE TUATAU O TE TAREKAREKA ITI
Kua tapu atu te ruru minita I te oko’anga I te au roi moe tei ta’angaanga iatu ana I te tuatau o te tarekareka oti o te pa moana patipika e kia riro teia au roi toe I te tautura ia ratoou I Araura. Te oko nei tikai oki te Kavamani I teia roi toe inara, no te manamanata uri’ia o Araura ka oronga iatu tei reia no ratou tei ngere I te roi.
