Te Karere

TE AKAPUAPINGA I TE ANGAANGA TANU KI RUNGA I TE AU ENUA I TAI MAI
Ko te manako I te apai mai I tetai au aronga angaanga mei te enua mamao no te tauturu I te akapuapinga I te angaanga tanu I runga iakoe e Enuamanu; tei roto tei reira I te rima o to kotou Aronga Mana e akakite nei te Minita o te Pae Angaanga Tanu a Ropati Wigmore. Koi oki ua mai nei a Ropati mei Atiu mai e tona tere tangata I ‘ui marama I te anoano o te iti tangata me ka inangaro ratou I te tomo mai ki roto I tetai porokaramu akapuapinga I te angaanga tanu I runga I to ratou enua. E akapou’anga moni mei te toru topata rima mirioni tara oki e vai nei I roto I te Kavamani no teia porokaramu e akateateamamao nei te Kavamani e 4 au enua mei roto atu I te pa enua tonga nei e ko Atiu tetai enua tei tamanako’ia mai. E, ko te ngere I te aronga angaanga I runga I teia au enua tetai ngai tukauvi tei kitena ia mai I teia pupu tangata e akateateamamao nei no te tamata atu I teia porokaramu ki runga I teia au enua.
E 3 I reira au uipaanga tei rave’ia ki runga ia Enuamanu no te uriuri tuatua atu ki te iti tangata no runga I teia manamanako’anga e te tomo nei tei reira kit e rua o te takainga. I Atiu, mei te tai anere eka enua e vai nei kia rauka te akapuapinga I teia porokaramu e te umuumu’ia nei te angai manu, te tanutanu, te tanutanu e pera katoa te tanu ua rakau.
Ko te vaerua maata I roto I teia porokaramu I te akamaroiroi I te angaanga tanutanu e per ate angai manu I runga I te au enua I tai mai no te tauturu I te akameangiti’anga mai I te akau’anga mai I teia au kai nei mei te enua mamao. Te tamata nei oki te Kavamani kia rauka ia tatou I te tu ki runga I to tatou uaorai vaevae no te tanu I te au kai e pera katoa angai manu na tatou rai na te iti tangata I rave ma te irinaki I teia au kai nei mei te enua mamao.
TE AKATEATEAMAMAO’ANGA I TE AKATU I TE AU ARE I ARAURA
Te akakite nei te Konitara Tutara o Aitutaki a Tai Herman e ko te au are tei akateateamamao’ia no te akatu mei te oti’anga mai o te uri’ia ka akamata te akatu I teia marama e tu mai nei. Te akakite nei oki a Tai e tea ere meitaki ua nei te angaanga ki runga I te akameitaki I te punu ki runga I te au are tei anoano ia kia akameitaki ia. Mei te 3 au oire tei oti to ratou punu I to ratou I te akameitaki I oti e te vai nei rai e 5 au oire toe.
Te akakite katoa nei oki a Tai e kua papa te parani tei tau no te akatu I te au no te aronga kua takino’ia to ratou are I te tuatau uri’ia. Te tapapa nei I reira ratou I te au rakau e te punu e per ate au pakau angaanga mei Nuti Reni mai kia rauka I te akamata I te akatu I teia au are. Kua rave atu ana oki te Konitara Enua o Araura I tetai uipaanga ki te Minita no te au enua I tai mai o Nuti Renia koia a Murray McCully I tona tuatau poto I reira kia rauka ia McCully I te akara oonu atu I te au angaanga tei rave iatu ana I teia au ra mei te tuatau I u ei a Araura I te uri’ia.
TE MAKIMAKI NEI RAI TE TURANGA O TE PATI TEMO
Ko teia makimaki no ratou e vai ua nei I te pati I te Kavamani kia tuku ua rai I te basileia e per ate iti tangata ki mua e auraka I to ratou uaorai anoano e pera katoa kia kapiki viviki ratou I te noo’anga o te are paramani I teia tuatau rapurapu kia rauka I te akataka mai I tetai akapou’anga moni no te akameitaki atu I a Aitutaki mei te tuatau uri’ia mai. Te vai katoa nei oki tetai anoano o te Kavamani kia akara matatio I te akapuapinga I te angaanga turoto e pera katoa te po’e parau, I mua ake teia ka ngere ei te Kavamani I te moni.
Te akakite nei oki te tama akatere ‘au o te pati Temo koia a Makiuti Tongia e ka tuku uatu rai ratou e 24 mema no teia oro’anga maata e tu mai nei koia te iki’anga I te Paramani. Te akapapu kato anei oki aia e kua akata’a atu te pati Temo I a Wilke Rasmussen e pera katoa a Timi Marurai tei tau teia ki raro I te papa ture a te pati Temo. Kua marama katoa oki ratou I na Makiuti ei e te anoano nei nga took rua teia akata’a iatu e te pati Temo te anoano ratua I tetai uipaanga na te kopapa metua o te Pati Temo kia rauka I te akatuke I te papa ture e kia vai rai e ko Marurai te Parai Minita e pera katoa te arataki. Ka akataka’anga tarevake teia I na Makiuti ei I raro ake I te papa ture a te pati Temo.

Herald Issue 463 10 June
- World famous activist assisting residents
- Budget will decide if residents prosecute Government over landfill
- Forestry project sucking Mangaia dry
- Budget 2010 – fiasco or disaster?