Te Karere

NUTI MEI MELBOURNE MAI: ME TE RIRO AINEI TE ‘AI UIRA OKO MAMA I TE TA-MANAMANATA I TAAU AVATA TUTU KUA KITENA IA MAI
Te akakite nei te nuti pepa Melbourne Herald Sun e na roto I tetai aka-apa’anga a tetai nga tokorua kua umere te aronga na ratou e maani nei I te ‘ai uira oko mama I ta raua e karanga nei e te riro nei teia ‘ai uira oko mama I te taivi I te au tutu I runga I ta raua avata tutu.
Te akakite nei oki a Emma raua ko tana tane a Alistair e kua poitirere rai raua I te te tumu I akapera ei ta raua I kite atu. Noatu oki e e ‘ai uira oko mama teia kareka ra, te riro nei tei reira I te tauvi I te au tutu ki runga I ta raua avata tutu I Melbourne, Autireria. Kua akaapa oki raua penei e kanga teia na ta raua nga tamariki kareka ra, kua kitena ia mai e ko teia ‘ai uira oko mama teia. Kua kitena ia mai oki e te vai nei tetai ‘ai uira a teia nga tokorua mei te 12 tapuae te mamao mei ta raua avata tutu e I te tamata anga raua I te tamate I teia ‘ai uira nei ia raua e akarakara tv nei e kua meitaki u ate manea I te tutu teata meii runga I ta raua avata tutu e kare e tauvi akaou ana.
Ko te kamumani Philips Electronics; ko ratou e maani nei I teia ‘ai uira mama kua poitirere rai ratou I tetai e tupu nei ma te umere e te akara matatio nei ratou I te tumu I tupu ei teia e ka akapeea ratou I te akameitaki atu ‘anga I tei reira.
KUA OTI TE AKARA MATATIO’ANGA I TE AKAPAPA’ANGA MONI A TE “TAOKOTAI’ANGA KIMI MONI NO ARAURA ENUA”
I roto I te nuti pepa Herald o teia epetoma te akakite nei te tama akatere ‘au o te taokotai’anga kimi moni no Aitutaki e kua oti I teia nei te akara matatio’anga a te Tipatimani Audit no runga I te akapapa’anga moni a ta ratou taokotai’anga.
Te akakite katoa nei oki a Tioti Tioti e te tapapa atu nei ratou I te tama akatere au o te Konitara Tutara o Araura koia a Tai Eremani I te oki’anga mie tona tere mei te enua mamao kia rauka ia ratou I te noo ki raro no te akara meitaki e ea’a te tu tauturu ta teia pute moni ka rauka I te tauturu no te au ngutuare tangata tei takinokino ia to ratou ngutuare e te uri’ia. Ko Tai oki k kite e eaa tikai te mea puapinga kia tauturu teia pute moni I a ratou tei rokoia e te tumatetenga e pera, koia katoa oki te Konitara Tutara o te enua.
TE ARONGA KAMAKURA E VAO’O NEI I TA RATOU TITA I TAATAI I NGATANGIIA KUA KITE IA MAI
E te aronga kama kura e te kope; eaa kare kotou I apai I ta kotou tita ki to kotou au kainga e auraka e akaruke I tei reira I ta’atai I Ngatangiia e akakite nei tetai mata mei roto atu I te taokotai’anga tarekareka tipoti o Ngatangiia Matavera.
Te tutaki nei oki te Karapu I tetai aronga tama I te pae ta’atai I Ngatangiia no te tama I te tita a te aronga kamakura e kare teia e tau ana no te kamakura o te tangata. Ko teia au tita oki I kitena ia mai e au titai teia mei te ngutuare mai o te tangata tei akaruke I tei reira ki ta’atai I Ngatangiia e pera katoa e au tita kai toetoe kua vao’o Ia ki roto I te pu’ao pepa plastic.
No reira e teia au aronga kope e te kamakura, e vao’o me kare apai atu I ta kotou tita ki to kotou uaorai ngutuare e auraka e akaruke I tei reira I te pae ta’atai I Ngatagiia ta-viiviii I te pae ta’ata o reira.
TE TURANGA TAOKOTAI KORE E NOO NEI TE TAOKOTAI’ANGA PATI TEMO
Kua kitema ia main a roto I te nuti I teia au ra e te noo taokotai kore nei te taokotai’anga pati Temo I teia tuatau no te kamakura I te aronga arataki I roto I te pati.
Kua kapiki atu oki tetai tauturu tama akatere ‘au o teia taokotai’anga I tetai uipaanga na tetai aronga e akakorure ‘au nei I teia pati tei rave’ia I teia Monite I topa I te ngutuare o Maine Ariki Ani o Peritane I Tereora. Te akakite nei oki te tama akatere’auu o te pati Temo e ko teia au uipa’anga ko te akakoro’anga no te akaorure’au I ta ratou pati e te kapiki nei I tetai au uipaanga taukore e kare e tika’anga kia ta-angaanga I te ingoa o te pati Temo.
Ko te aite’anga oki teia e akakite nei te nuti pepa Herald I teia ra e kare e pati poritiki e noo taokotai nei I teia ra. E iki’anga maata to tatou e tu mai nei I tetai taime I teia openga mataiti e te kitena ia mai nei te au ngai tu kauvi o nga pati poritiki mei te Temo e pera katoa te Pati. Te ‘ui katoa nei te nuti pepa Herald me te akarongo ainei te tama akatere ‘au o te taokotai’anga Temo iaia uaorai I teia e tupu nei e me kare tetai e akave’e ke I te turuturu a te iti tangata I tana pati Temo.
Iaku e tata nei I teia nuti, e meitaki atu pa’a noku I te akaruke I te angaanga porotiki I te aronga tei tau e me tae I te tuatau iki’anga kia iki au I taku I manako kia riro ei mata I toku tu’anga iki’anga.

Herald Issue 463 10 June
- World famous activist assisting residents
- Budget will decide if residents prosecute Government over landfill
- Forestry project sucking Mangaia dry
- Budget 2010 – fiasco or disaster?