Te Karere
TE ANGAANGA TAUKORE AKAKINO I TE ARONGA TATA NUTI
Ko te Taokotai’anga tata nuti o teia nei ao te rave nei ratou I tetai akateateamamao’anga no te kimi oonu atu I tetau au aka-papa’anga I te au tu akakino e pera te takinokino I te angaanga tata nuti e tupu nei I Amoa, Tonga, te Kuki Airani, Papua, Vanuatu e pera a Soromona.
Kua tupu mai teia tamanako’anga na teua Taokotai’anga mei roto atu I te tata’anga a te etita o te nuti pepa Samoa Observer a Sano Malifa e kare teia nuti pepa nei e matara ana I tana tata’anga I te au nuti no runga I te Kavamani Amoa e te apai nei te Parai Minita o reira ia ratou ki te akava’anga e te riro nei e n ate aronga tutaki tero e tutaki ana I te au pira no te akava’anga paruru I te Kavamani no teia manamanata. Kare oki teia e tau ana
RIPENE IMENE OU A ANDRE TAPENA KA OKO KI TE MAKETE
A teia maanakai ka tuku atu te taunga imene a Andre Tapena I tana ripene imene teata ou kit e makete Punanganui. Mei roto mai teia I to ratou tere tei aere atu ana ki Nuti Reni e Autireria I nga marama I topa e te karanga nei a Andre e ka akamata atu teia okooko’anga I tana ripenen ou I te ora ngauru tikai. Ko te moni, me oko koe okotai ripene e $30.00 tona moni e me oko koe e rua ripene e $50.00.
Kua riro rai oki e na tana ngai rekoti’anga koia te Rangitapu Studio I rekoti I teia au ripene nei I Arorangi e e 14 au imene I runga I teia ripene imene nana tei tata’ia e tetai au aito ‘atu imene mei a Maki Karati, Abu Simpson. Te Taokia Bros, Piri Tauakume e pera a Andre Tapena. Akamata a te monite I reira ka akamata atu te okooko I teia au ripene nei kit e are toa Raro Records.
AKA-ARIARI’ANGA TUTU NENEI KA RAVE’IA
Ka rave iatu tetai aka-ariari’anga I t era 17 no Me nei na tetai au ‘aito nenei tutu o roto nei I te basileia ei te tai ngauru ma toru ratou I te katoatoa. Ka rave’ia teia aka-ariari’anga I tetai ngutuare tau no teia tu angaanga I Arorangi e ka akaoti I t era 29 no Me. Ka kapiki ia teia aka-ariari’anga e ko te ‘nenei poitirere’ e ko teia au aito nei ko Ewan Smith, Mata Priest, Hinoi Henry, Matariki Tanggaroa, Kay George, Ani O’Neil, Charlotte Cousins e pera katoa a Krick Barraud. Te ariki rekareka ia nei tetai uatu kia tae mai ki teia aka-ariari’anga.
NGUTUARE APII OU NO TONGAREVA
Ko te are apii o Tongareva tei takinokino ‘ia e te uri’ia tei tupu I te marama ko Peperuare I teia mataiti e rua ngai ‘ou te akara matatio’ia nei e te Kavamani e akakite nei te mem paramani a Wilke Rasmussen.
Kua akakite te Minita Rasmussen kite nuti pepa Herald I te ruirua e te akara matatio iatu nei te tauturu a te Nuti Reni no te akatu I tetai are apii ou no Tongareva I teia au mataiti I topa inara, kare teia I tupu ana I te Kavamani o tei reira tuatau. Mari teia uri’ia I tupu e ko tana kino I rave e mea tau rai kia akamata te au angaanga no te akatu I tetai are apii ou no Tongareva. Ko te ngai tau tei tamanako’ia mai e akakite nei a Wilke koia I te pae I te are pure o te Akono’anga metua I rotopu tikai oki I te oire takere o te enua e ko tetai ngai tei tamanako’ia mai I te pae I Opati o te tuanga moana o reira.
Ko te ngai oki e tu mai nei te apii o Tongareva e akakite nei te Minita kare teia e tau ana I te mea e me rave te angaanga no te akatu akaou I te are apii kare e oonu te ko’anga e kua kake mai te tai ki runga – e akaaka roa oki teia ngai takere nei I tamanako’ia mai ei e kia akara ia mai tetai ngai takake.
TE ANGAANGA PAKARI NEI TE OPATI AKARAKARA – AUDIT
Te kitena ia mai nei e ko te Opati akarakara – Audit ko ratou tetai opati e angaanga pakari nei I teia ra kua kite iatu e te nuti pepa Herald. I roto oki I tetai tata’anga na ratou rai kua akapapu ia mai e mei te marama Tiurai I teia mataiti I topa, mei te 44 au akarakara’anga ta ratou I rave atu I roto I tetai au opati o te kavamani I Rarotonga nei e pera ki runag I te au enua I tai mai ia Rarotonga.
I taua taime rai kua oti ia ratou I te akarakara atu mei te tai ngauru ma ono au tipatimani o te kavamani. E au tipatimani teia kua apaina ia mai kit e Audit tetai au akaapa’anga angaanga taukore ta ratou e rave nei.
Herald Issue 463 10 June
- World famous activist assisting residents
- Budget will decide if residents prosecute Government over landfill
- Forestry project sucking Mangaia dry
- Budget 2010 – fiasco or disaster?
