Te Karere

TE KARANGARANGA A TE AKAVA A TE VARAIRE I RUNGA ‘IA RATIO KUKI AIRANI
Ka rave atu te Opati Maata o te Akava I tetai porokaramu na ratou na runga ia Ratio Kuki Airani I teia varaire no te manako atoro I te iti tangata no runga I te au manamanata e te kino e tupu nei ki rarotonga nei I teia au ra. E manganui oki te au kino keikei’a e pera katoa te rave tarevake I te au apinga a te tangata I runga I te enua. I te tuatau katoa o teia ka-rangaranga n ate akava ka akapakari katoa ratou I runga I te au tamariki tei raro ake to ratou mataiti I te ture e rave angaanga kino nei e te anoano nei ratou I te ‘ui I te manako o te iti tangata no runga katoa I teia e ea ate tuanga ta tatou ta te iti tangata ka rave no teia.
Te akakite nei oki te Opati Maata a Leighton Boaza e te topa aere uatu nei te tare no te keikei’a I rarotonga nei e kare I aite mei te toru marama I topa ake nei inara, I te mea oki e kua topa teia tare ka akapakari uatu rai tea kava I ta ratou kimi ravenga I te akameangiti I te au manamanata e tupu nei I teia au ra. Ka akamata teia karangaranga I te ora ngauru I te popongi; okotai ora te roa I tei reira.
TE PA PORO ‘UA MOA A TE PATI CIP
Ka rave atu te Pati te Kuki Airani Pat I tetai pa poro uamoa na ratou ki te ngai pa poro I Nikao a teia varaire no te akakoro’anga kimikimi moni tauturu ia ratou no teia iki’anga maata e teateamamao’ia nei. Ko te moni retita I te au pupu ka tomo ki roto I teia tarere e tai anere e rua ngauru tara e ka akatika ua’ia e ono mema I roto I te pupu. Ko tetai uatu e manako nei no te tomo ki roto I teia akarere’anga kia taniuniu atu I te Opati o teia pati CIP I runga I te numero 29 – 033.
TE EPETOMA O TE MAPU A TE AKONO’ANGA METUA KIRITITIANO O TE KUKI AIRANI NEI
Ka akamata atu te Akono’anga metua kirititiano o te Kuki Airani nei I ta ratou porokaramu epetoma no te mapu a teia Monite e tu mai nei e kakite nei te tangata maata o te mapu a Rouru Motu. I tei Monite o te ra mua e tarere imene tapu ta ratou; I te ruirua e ute, te imene tuki I te ruitoru e kappa rim ate tamataora e ka oronga iatu ei te au re no teia angaanga maata a te mapu.
I teia mataiti I topa kua autu atu te tapere Ruatonga I teia akakoro’anga no te mapu I teia nga epetoma I topa ake nei kua kitena’ia te tumaroiroi o te au tapere apii I ta ratou au kappa no teia akakoro’anga no ratou.
TE VAITATA MAI NEI TE TAREKAREKA KETEPORO MAATA A TE PA MOANA PATIPIKA
Ko te katoa’anga o te au mapu tamaine o te pupu Kuki Airani ka piri ki teia tarekareka keteporo maata a te pa moana Patipika kua tae aere mai te maata ‘anga ia ratou ki rarotonga nei no te akateateamamao ia ratou. Kua manga ekoko te au akatere o teia tarekareka I te pupu mei Viti mai no te manga tu kauvi ia ratou I te tutaki’anga mai I to ratou pupu keteporo kia tae mai ki teia tarekareka’anga Ka inangaro’ia oki mei te toru ngautu tauatini tara tauturu I te akapeke I to ratou patete e ko te ra no te akapapu I te au pupu a teia varaire e tu mai nei.
Ka rave’ia oki te tarekareka keteporo maata no teia nei ao ki Singapore a teia mataiti ki mua e e rua nga e tuera nei no tetai uatu kia piri ki teia tarekareka’anga e ka riro te tarekareka keteporo a te pa moana Patipika te karave’ia I Rarotonga I te akapapu e ko’ai teia nga pupu nei. Ko teia tarekareka keteporo a te pa moana patipika e teitei atu tona turanga kit e tarekareka tipoti maata tei kapiki’ia e ko te tarekareka o te pa moana Patipika e pera katoa kit e tarekareka iti a te pa moana Patipika. Te okona ia nei te au tiketi no tetai uatu kia tae no te matakitaki I teia tarekareka a teia epetoma e tu mai nei e te okona’ia nei tei reira ki ko I te Opati o te Turoto I Avarua

Herald Issue 463 10 June
- World famous activist assisting residents
- Budget will decide if residents prosecute Government over landfill
- Forestry project sucking Mangaia dry
- Budget 2010 – fiasco or disaster?