Te Karere

Uri’ia e Tiare Rani

TE KIMI MONI A TE TAOKOTAI’ANGA AOTEAROA O KONEI
Ka rave atu te taokotai’anga Aotearoa I tetai kimikimi’anga moni aka-ariari’anga I te teata rongonui o Nuti Reni tei kapiki’ia e ko te ‘Boy.’ Ka rave’ia teia aka-ariari’anga teata a teia varaire e tu mai nei e e rua taime ka akaariari’ia teia teata. Te akakite nei oki te Ratio Kuki Airani e kua akaari iatu ana teia teata I Nuti Reni ma te mareka o te iti tangata I reira e te ngakauparau nei te taokotai’anga Aotearoa o koneii te mea ko ratou te mua I te akaari I teia teata I konei.
I te tuatau i reira e akaari nei ratou I teia teata a te varaire e umu maori ta ratou koia te hangi ka okooko atu I te au kai maori e aere ana I raro I te umu mei te tai ngauru ma rua tara I te mereki. K aakamata te oko I teia hangi na ratou I mua ake ka akaari iaia te teata. Te oko nei rai te tiketi no te teata mei te au mema o te taokotai’anga Aotearoa o konei mei te tai ngauru tara e me kaaere koe ki nga tu’anga e rua e toru ngauru ma rima tar ate moni.
KIMIKIMI MONI NO TETAI TANGATA TEI ROKO’IA I TE MAKI
Ko te ko’iko’I moni na roto I te au ngutuare I roto I a Titikaveka kua rave iatu tei reira I teia monite I topa no te akakoro’anga tauturu I tetai tamaiti mei te tai ngauru ma toru mataiti koia a Aroa Mana no tona maki leukemia. Kua rauka mai I reira na roto I teia ko’iko’I’anga moni mei te toru tauatini toru anere e rua ngauru tara no teia akakoro’anga. Tei Nuti Reni oki a Aratoa I roto I te are maki Starship e ten a roto nei aia I te chemotherapy ma tona mama e tiaki nei iaia.
Kua ariki katoa iatu tetai au moni tautur mei vao mai I te oire Titikaveka e ka rauka teira’ia kotou I te oronga atu ki a Mene Rennie ki ko I te pangika o te Kuki Airani, me kare ra ki a Manase Pureau, Moeroa Tamangaro e Makirita Matenga. Kua akaaite ‘ia oki a Aratoa e ko tetai tamaiti tukatau I tana e rave nei e me maru mai te turanga o tona maki ka oki mai aia ki Rarotonga nei no tetai tuatau orote. Te tuera nei rai te ngutupa tauturu a tetai uatu tei anoano I te tauturu I te kimikimi’anga monio no Aratoa e me te akaaroa nei koe I tana e tomo nei kia akaari atu I tei reira ki teia aronga tei ta’iku iatu I runga ana.
TE PUNANGA REO MAORI
Ka rave’ia tetai iriiri’anga kapua a teia epetoma e tu mai nei akamata I te ruirua e ko te vaerua maata mei roto atu I teia iriiri’anga kapua I te akaora uatu I to tatou reo maori – kia ora!. Kua irinaki katoa’ia oki e ka tae mai ki teia iriiri’anga kapua nga puapii mei roto mai te apii potiki mei Nuti Reni mai e te irinaki nei a ratio Kuki Airani e ka rauka mai tetai au nuti papu no runga tikai I teia iriiri’anga kapua.

Herald Issue 463 10 June
- World famous activist assisting residents
- Budget will decide if residents prosecute Government over landfill
- Forestry project sucking Mangaia dry
- Budget 2010 – fiasco or disaster?