Te Karere

TE AKAMAARA’ANGA I TE RA NO TE RAKAHANGA.
Te akateateamamao nei te iti tangata Rakahanga I te akamaara’anga ratou I te ‘Ra no Rakahanga’ te ka rave’ia I teia marama e tu mai nei ki ko I te aua Te Atukura I et ra ono no Aukute.
I te tuatau katoa o teia ra maata no ratou ka ruru iai ta ratou tiketi e te vai nei teia au tiketi nei ki ko I te au mema Kumiti I te iti tangata Rakahanga e rima ngauru tar ate tiketi okotai e e rua ngauru a ratou au re. Ko te re numero tai ka autu atu te tangata ka manuia mai mei te toru ngauru tauatini tara e ko te re rua kit e re a taki tai ngauru tauatini tara tei reira. Te vai katoa nei tetai au angaanga takake no te akamaara I t era no Rakahanga akakoro’anga tauturu I te kimi moni no te akaoti I te au angaanga ki runga I to ratou ngutuare. I te tauturu katoa I teia angaanga nei ka tae mai tetai mapu e turanga meitaki tona I te angaanga imene mei Nuti Reni mai koia a T’Angelo ma tona pupu tei kapiki’ia e ko te Virgin Voyage.
KUA ARIKI TE RURU MINITA NO TE AKAVIVIKI I TE AU ANGAANGA NO RUNGA I TE NODULE
I roto I tetai uipaanga na te au ruru Minita kua ariki ratou e kia akatupu ia tetai kopapa tu’anga I roto I te Kavamani no te akara matatio atu e aka akapeea tatou I te kokoti’anga I teia meitaki mei raro mai I te tai moana koia te nodules.
Noatu oki e kua rave’ia tetai au akateateamamao’anga takake no runga I teia kua ariki ra te au ruru Minita na roto I te akatika’anga e kia akaviviki iatu te au akateateamamao’anga no ta akarupu’anga I teia akakoro’anga kia tupu
TE PUAPINGA TEI TAE KI MANGAIA NA ROTO I TE TUROTO
Kua akakite tetai tangata angaanga no te turoto e kua riro te mea umere tei tupu ki Mangaia I teia Tapati koia I te tukati’anga te marama kit e ra I te apai mai I tetai puapinga ki runga I te enua. Kua maata te au turoto tei tae atu ki Mangaia no teia e kua riro tei reira ei meitaki ki te enua na roto I te akapou’anga moni ta ratou I apai atu ki reira.
Te akakite nei oki a Rohan Ellis e e maata katoa tetai au rere’anga pairere tei tarau’ia no te apai atu I te manotini’anga o te tangata ki Mangaia e pera katoa kua riro tetai pae o te iti tangata I te akaruru atu Ia ratou. Kua kitena katoa’ia mai oki e kua taokotai te iti tangata Mangaia I te ariki’anga I te au turoto ki reira I teia nga ra.
TE TAREKAREKA TIPOTI HANDBALL
Ko teia tarekareka tipoti nei tei akamata atu I teia Monite I topa kua autu atu te pupu 20/20 I ta raua tarekareka ko te T-Bags e kua rua o te pupu tei tarekareka atu kua autu atu te Olympiads e kua ruti takarere atu te Moa.

Uri ia e Charlie Rani

Herald Issue 463 10 June
- World famous activist assisting residents
- Budget will decide if residents prosecute Government over landfill
- Forestry project sucking Mangaia dry
- Budget 2010 – fiasco or disaster?