Te Karere

‘IRI’IRI KAPUA NO RUNGA I TE AO NATURA
Mei te tai ngauru ma a au mata mei roto atu I te pa moana Patipika tei piri atu ki tetai iriiri’anga kapua no runga I te ‘ao natura. Kua akaruke atu to te basileia au mata ki teia uipaanga I teia maanakai I topa no tea ere atu ki Marike no te toru epetoma te roa I teia iriiri’anga kapua no te akara matatio’anga e ka akapeea teia au basileia I te akatupu’anga I tetai au kaveinga no te taporoporo’anga I to tatou ao natura e te au takinga no te akamatutu’anga I tei reira.
Kua tae atu ki teia iriiri’anga kapua mei konei atu a Miimetua Matamaki mei konei atu I te Tu’anga Taporoporo e koia katoa tetai I teia au basileia nei mei roto atu I to tatou tai moana tei are atu no teia iriiri’anga kapua. Kua turu’ia teia tere nei no Miimetua e tetai tu’anga I roto I te Kavamani Marike e ko te vaerua maata ta ratou e umuumu nei no teia taokotai’angai te akamatutu uatu I te turanga taporoporo e per ate ao natura I roto nei I te pa moana patipika e ka akapeea ratou I te tauturu’anga mai ia tatou
NUTI MEI ARAURA ENUA
I teia Moite I topa kua akamata atu te angaanga no te akatu I te are tei takino’ia e te uri’ia I te tuanga toru e pera katoa te a au ngutuare I Araura e kua mareka te au ngutuare tangata ko ratou tei tomo atu na roto I teia takinokino’anga I tei reira I te mea kua roa rai te tuatau ia ratou I te tapapa’anga I tei reira. Kua oti oki I te maani te au ngutuare I te tu’anga tai e pera te rua e kua kite atu te nuti pepa Herald e kua tae katoa atu te au apinga angaanga no runga I teia au are nei ki Araura. Kua tae katoa atu tetai au uri rakau kia rauka I te iti tangata I te tanu e pera te akatupu I runga I te enua.
NUTI MEI ENUAMANU MAI
Te akateateamamao nei a Enuamanu I te rave I tetai au angaanga no te akameitaki atu I te are pure Ziona Tapu o te Akono’anga metua kirititiano o te Kuki Airani nei. Na roto I te teia akameitaki’anga I a Ziona Tapu kua vai katoa te manako no ratou tei akatu I teia are pure nei I te tuatau mua. I te maanakai e per ate Tapati kare e angaanga e rave’ia ki runga I te are puree te riro katoa nei te au mama no te akonokono mai I te au mama I te pae o te kaikai na roto I te au oire. Vaitata rai oki e kua rotai mai te au tu akono’anga tukeke I Enuamanu no teia akakoro’anga e e vaerua meitaki teia e kitena’ia mai nei.
I te tuatau I reira e akaou’ia nei te Ziona Tapu te rave te au mema o teia akono’anga I ta ratou akamori’anga ki roto I te are apii tapati Ebenezera.
NUTI MEI AKATOKAMANAVA MAI
Te akateateamamao mai nei te enua Akatokamanava I na ratou tarere’anga Maine Akatoka te ka rave’ia I t era a no Aukute, I te akararangi’anga te enua tangata I t era ‘uti’anga reva o te Kuki Airani I te mea oki e kare te au enua I tai mai e aere maiki Rarotonga nei no teia akakoro’anga maata o te basileia I teia mataiti. Ka iki’ia mai tetai au purotu manea mei roto mai I te au oire tatakitai e te akakite nei te tangata maata o te Kavamani o rungai te enua e ka piri katoa mai tetai I te au tamariki apii o runga I te enua no teia Maine Akatoka.
NAT UNUKA KA TU KI TEIA IKI’ANGA ‘KOIA ANAKE RAI TONA PU’
Kua rave atu tetai mema te ka tu no te tu’anga iki’anga Murienua koia a Nat Unuka I tana uipaanga mua I teia varaire I topa ki roto I te are uipaanga o te Rutaki. Kua akakite oki a Unuka e ka tu aia ki teia uipaanga no te tu’anga iki’anga Murienua te ka mata aia iaia uaorai – koia anake rai tona pu!
NUTI TIPOTI – MONI ORONGA KA TE TAOKOTAI’ANGA TUEPORO TARAPE
Ko te taokotai’anga tueporo o te Kuki Airani nei ka oronga atu ratou I tetai tu’anga moni mei te 4 tauatini tara ki te karapu tatakitai e ko teia tu’anga moni nei e akakake’anga moni teia na ratou tei rauka mai no te tauturu uatu I teua tarekareka tueporo tarape. Kua ariki ia teia na roto I tetai uipaanga n ate Karapu tei rave’ia I tetai ra I teia epetoma ki ko rai I te ngutuare o teia Karapu I Matavera.
I mua ake la akamata atu ei te tarekareka tueporo tarape no teia mataiti I te marama ko Aukute, ka rave iatu tetai tereni’anga no rungai te aronga na ratou e tauturu nei I te akamatutu I teia tarekareka I roto tikai I te au tuanga a te tamariki te ka rave’ia I t era toru no Aukute akamata I te ora rima I te aiai. E a oki au pupu tei akapapu’ia mai no teia tarekareka I teia mataiti I roto I te au tu’anga tatakitai o te tane, te vaine e pera katoa te pupu potiki.

Uriia e Tiare Rani

Herald Issue 463 10 June
- World famous activist assisting residents
- Budget will decide if residents prosecute Government over landfill
- Forestry project sucking Mangaia dry
- Budget 2010 – fiasco or disaster?