Iriiri’anga kapua na Te Koutu Nui kua akatuera iatu

I te Maanapiti ra 27 no Tiurai, kua rave iatu te uipa’anga maata a te koutu nui ki ko I te are apii sabati Karavaria i Arorangi. Ko te tumu tapura: Paruru’anga i Te Irinaki’anga e te kite maori.
Kua tae mai te au taeake mei te au pa enua mai I vao ake ia Rarotonga, no teia akakoro’anga. Kua akamata teia iriiri’anga kapua na roto I te akataputou’anga ‘iatu tetai au mema ou ki roto I te Koutu Nui. Ko te au tumu manako nunui tei uriuri iatu no runga I te paruru’anga I te kite maori. Ko teia ko te akamarama ‘anga I te au tamanako’anga no te kite maori, te paruru’anga I te kite tupuna tei vao’o ‘ia ki te uki o teia ra e pera katoa I reira te karokaro’anga I tetai au kaveinga no te paruru’anga I to tatou kite tupuna.
Ko tetai manako ka karokaro ‘ia no runga te reira I te ra’ui. Eaa ta tatou ka rave I te paruruanga I te reira? Ka karokaro katoa’ia ki roto I teia iriiri’anga kapua te au marae. Ko te ui’anga oki e ka akapeea tatou I te paruru anga I te marae.
Kua ‘ui’ui katoa atu au i tetai au ‘ui’anga ki a Te Tika Mataiapo, koia te maine akatere’au no teia iriiri’anga kapua e kua akakite mai aia e mei te toru ngauru ma ono mataiti I teia nei te rave ‘ia ‘anga te uipaanga maata a teia taokotai’anga. E mea pumaana katoa oki kia’ia ma te mataora I te kite’anga I te au mapu ki teia tu uipa’anga no te mea ko tetai ravenga teia I te kite atu’anga i te manako o te mapu kita ratou au angaanga. Ko ratou katoa oki I na Te Tika ei te ka riro ei tupoupou tuatau; i te akatere’anga e pera ei mata atu I to tatou Basileia no te au tuatau ki mua. Te pange katoa nei oki a Te Tika Mataiapo e auraka ta tatou au mapu e noo vare ua; e aere ra e akanui I toou marama I te au mea e tupu nei ki roto I to tatou ngutuare.

Tata’ia e Beninah Te Pepeti Ariki Kairae Apii Tuarua, Mauke.

Herald Issue 463 10 June
- World famous activist assisting residents
- Budget will decide if residents prosecute Government over landfill
- Forestry project sucking Mangaia dry
- Budget 2010 – fiasco or disaster?