Outer Islands students here on Work Experience

I teia epetoma I topa ake nei, kua teretere mai au e pera oku au taeake e 11 no te Apii Mangaia School mai e nga puapii no te enua mai ko Mangaia I runga I te enua ko Rarotonga no te akakoroanga o te Career Expo e te Work Experience. I roto I te tuanga o te Career Expo, e tai ra e raveiia ana tei reira mei nga pa enua I vao mai i roto nei ra I te Kuki Airani. E pera te Work Experience, ka rave matou e rua ngai angaanga taau e manakonako e inangaro ra I te rave. Ko te akakoroanga ngao I te tereni vave iaau e au I roto I te au ngai angaanga me noo ake koe I te kainga. Na roto I teia, ka o mai te tu katau me iri ake koe I tetai ngai angaanga.
Mei roto mai I taku manakonakoanga e rua aku ngai angaanga I manako ai I mua ake ka aere mai ei matou. Ko te mea mua Telecom Cook Islands e te Cook Islands News. Inara ko te Cook Island News, ko taku mea mua tikai teia e anoano nei I te rave mua. Na roto ra I tetai au mataara tai’i, kua tano mai ko teia taku angaanga (Work Experience) openga e rave nei. Are e o au ua teia e rave nei, e pera matou katoatoa no Mangaia mai.
Akamata I te Ruaotera ra 27 no Tiurai 2010, kua angaanga mai au I konei I te Cook Islands Television e oku nga taeake no Akatokamanava mai. Mataora tikai matou I te rave anga I ta matou angaanga I te ra mua, no te mea tomo rava mai matou I teia ngai nei, pini paurava matou I te angaanga I te taangaanga ia matou. E reka ua atu ana au I teia tu no te mea, e apinga riri naku te noo ua are e rave I tetai angaanga. Rekareka nei au no te mea taku I rave ei I toku ra mua, e nenei aere e te uiui atu anga I nga taeake I to raua akakoroanga I konei e pera I te tata tua. Me te mataora nei raua I te angaanga I konei. Pera I te noo I tapae I toku tangata akateretere I te kakaro e akapeea ana me ropa ana I te nuti e aere ana I runga I te tv. E nga taeake katoa e tata ara I na raua tua no tetai iriirianga kapua tei raveia atu I teia ra.
No reira, mataora te angaanga I konei e pera teia katoa te tuatau e te taime e akamata ai koe I te akamatutu iaau no tetai ngai angaanga me akaruke ake koe te apii.

Tataia e Stephanie Piiti
No te Apii Mangaia Mai

Herald Issue 463 10 June
- World famous activist assisting residents
- Budget will decide if residents prosecute Government over landfill
- Forestry project sucking Mangaia dry
- Budget 2010 – fiasco or disaster?