Te Karere

IRIIRI’ANGA KAPUA NA TE AKAVA
Ko tetai taokotai’anga metua n ate au arataki o tea kava no te akara matatio’anga I te kaveinga ta te akava e rave nei I roto nei I te pa moana Patipika; te anoano nei ratou I te akamatutu atu I ta ratou tu’anga angaanga kia ngakauparau te iti tangata I rot I ta ratou angaanga e rave nei.
Ko tetai oki I teia kia rauka ia tatou te iti tangata tetai turanga e kia rauka ia tatou I te irinaki I roto ia ratou e ta ratou au angaanga e rave nei no te tiaki e pera te paruru’anga I to tatou au ngutuare tatakitai kia tupu uatu te ‘au. Na roto teia I te irinaki’anga I ta ratou au angaanga e rave nei ma te tiratiratu e pera katoa ma te tau e kia kite katoa tatou e eaa tikai ta ratou angaanga e rave nei no te paruru I te kino. Na roto opki I tetai taokotai’anga n ate au akava mei Autireria mai te rave nei ratou I tetai porokaramu I roto nei I te pa moana patipika tei kapiki’ia e No te ta’angaanga anga I te au akakitekite’anga tuatua na roto I te nuti pepa, te TV e te ratio no te aka-pakari I te irinaki’anga o te iti tangata I roto I ta ratou au angaanag e rave nei. E iriiri’anga kapua teia e rave’ia nei tei akamata atu I teia Ruitiro
TE PUPU TAIPAIPA KOIA TE POE PARAU O MEKANITIA
Ka rave akou atu te pupu aitapu ta’ipaipa teia kapiki’ia e kote Poe Parau o Mekanetia I na ratou tamataora’anga I teia maanakai ki ko I te ngai tamataora o te karapu Tupapa I Maraerenga. Mei Nuti Reni mai oki teia pupu ta’ipaipa e e manganui te au tangata te turuturu nei I ta ratou tamataora’anga. Ko te au tiketi no teia tamataora’anga te okona’ia nei tei reira e tai ngauru tara e me te anoano nei koe I tetai e taniuniu atu I a Harriet me kare I a Aka I runga I te numero e itu rua ono rua rua.
KO TIONI TANGI TE TIAKI TE NOO’ANGA NO TE VA’A TUATUA O TE ARE PARAMANI
Kua riro ana aia ei aratakino te ngutuare Paramani e I teia nga ra kua riro a Tioni Tangi ei tiaki I te noo’anga no te are paramani no tetai tuatau poto I te tuatau kua takake atu te tama akatere ‘au koia a Mapu Taia no tetia uipaanga I te enua mamao I tai mai. Kua ikina iatu oki a Tioni Tangi ei tangata tiaki I te noo’anga o te tama akatere ‘au o te are paramani na roto I tetai akatikatika’anga a te are paramani
TE IKI’ANGA I TE MEMA TEMO KA TU NO NGATANGIIA
Ka rave’ia te akatinamou’anga ite mema o te pati Temo te ka tu no te tu’anga iki’anga o Ngatangiia e kare I papu meitaki ake e a’ea teia e rave iai. Kua tukuna iatu ana oki tetai pepa ki te kumiti rotopu o teia tu’anga iki’anga e toru no tetai au taeake te umuumu nei tukuna iatu to ratou ingoa ki roto I te oro’anga. Kua irinaki’ia oki e te iki’anga I te taote Terepai Maoate I teia nga marama kare tei reira I rave meitaki iana. I teia monite I topa uake nei kua akakite rai te taote Terepai e kare aia e manamanata ana no teia iki’anga no te akatinamou’anga I te mema pati Temo e kua irinaki oki aia e kua vao’o iatu teia kit e kumiti kia akarakara meitaki mai I tei reira. Kua marama rai oki te taote I te anoano o teia nga puke tangata tokotoru kia o to ratou ingoa ki roto I teia iki’anga akatinamou’anga e ko’ai ka tu no te pati Temo ki teia iki’anga maata e tu mai nei.

Uri ia e Charlie Rani

Herald Issue 463 10 June
- World famous activist assisting residents
- Budget will decide if residents prosecute Government over landfill
- Forestry project sucking Mangaia dry
- Budget 2010 – fiasco or disaster?