Te Karere

KUA AKAPAPU’IA TE PUPU KETEPORO O TE KUKI AIRANI
Kua oti I te akapapu I te au ingoa no nga tamariki tamaine tei o atu ki roto I te tarekareka keteporo maata o te pa moana patipika nei te ka rave’ia ki Rarotonga nei meii t era 3 ki t era 5 no Tiunu I teia mataiti. Kua akapapu’ia oki te ingoa o teia au tamariki nei ii te akaoti’anga o tetai tarekareka tei rave’ia ki Akarana.
Ko te ingoa o nga tamariki tamaine ko Madison Nicholas, Elenoa Crocombe, Paula Marama, Olli Solomona, nga ma’anga ko Paula e Patti Tahua, lazel Daniels, Poomae-Keilani Matapo, Clarisa Andrew, Luciana Matenga, Micheyla Matapo, e ko to ratou arataki ko Celeste Brunton. Te akakite nei te Peretiteni o te tarekareka Keteporo o te Kuki Airani nei e kua mareka ratou I teia tereni’anga tei rave’ia ki Akarana no te iki mai I te pupu o te Kuki Airani.
TE AKA-EPAEPA’ANGA I TE TURANGA O TE AKAVA
Kua rave atu te au akava I tetai angaanga manea no te aka-epaepa atu I tetai tangata maata tei angaanga mai ana no ratou I teia au mataiti koia a William Prentice. Kua tavini ana oki a William I to tatou akava mei tetai rua mataiti I muri ake ka oki atu ei aia ki Nuti Reni I te mataiti tai tauatini e iva anere e ono ngauru ma varu. I tona akaruke’anga oki kua riro atu a Tangata Nekeare I te arataki I to tatou akava no tetai tuatau.
RA NO TE TAI ROTO O TAKITUMU
Te tamanako’anga ka piri atu ara atu ii te tai tauatini au tamariki apiie pera katoa te tangata ki Nukupure no te akarakara atu I tetai au turamarama’anga no runga I te akateretere’anga tau no te tai roto o reira. Ka riro teia porokaramu I te turuturu a te ona pitiniti Captain Tama e pera katoa te otera Patipika o Ngatangiia. Ko te au tamariki apii oki ka piri atu ki teia akarakara’anga e tuatau tau teia no ratou I te akara matatio te akapeea nei te angaanga raverave I te akono I to tatou tai roto. Ka akamata atu teia akarakara’anga I te paraparau e tu mai nei e ko te akamata’anga teia o te epetoma o te taporoporo natura. Ka piri mai oki ki teia akarakara’anga nga tipatimani o te kavamani mei te tai roto, taporoporo e pera katoa tetai au taokotai’anga e kare ratou I roto I te kavamani.
TARERE URA A TE AU RUA-RUAINE E AKATEATEAMAMAO’IA NEI
Me ko toou mataiti I rotopu I te a ngauru ki te rima ngauru ma rima noou teia karere. Tei roto koe I te vaito o te au rua ruaine no te mea te akateateamamao ia nei tetai tarere ura na kotou e te tuera nei tetai uatu ka inangaro kia tomo ki roto I teia tarere a rua ruaine ma. Te akakite nei oki te Ratio Kuki Airani e te kimi ia nei rai tetai au aronga karape I te aka’ori I o ratou sope me te vai ukauka ra, no teia tarere’anga. Me te anoano ra koe kia piri atu ki roto I te tarere’anga e taniuniu atu I te numero 20725 e uriuri tuatua atu koe ki a Sonny Williams no toou anoano kia tomo koe ki roto I teia tarere.
Ka rave’ia oki teia tarere a rua-ruaine ma kit e ngutuare Hideaway I Avarua nei akamata I te ora e apa no te ora varu I te aiai. Ka rave katoao ia oki te tarere a te au moa teatea – a papa’a ma ki teia ngutuare rai. Kare e tutaki te tomo ki roto I teia ngutuare no te matakitaki I teia terere e akakite katoa nei te nuti a ratio Kuki Airani – na ratou oki I oronga mai I teia nuti ki ta tatou nuti pepa. Akameitaki’anga ia ratou no te maroiroi I te kimi mai I tetai nuti maori na tatou ki te nuti pepa.
NGA RANGATIRA TAUTAI KUA ORA MAI
Ko nga tangata tautai tei akaora’ia mai e te pai Te Kukupa mei Manuae mei tetai tai ngauru ra kua rotai akaou’ia ratou ki to ratou ngutuare tangata. Kua rave’ia ana oki tetai kimikimi I teia au taeake tei ngaro atu mei tetai rima ra e kua piri katoao mai te pairere kimikimi a te Kavamani Nuti Reni tauturu I teia tumatetenga no tatou.Ko te manamanata oki, kua tutau teia au taeake I to ratou pai tautai I vao mai I te akau e kua aere atu ratou ki uta I te enua inara ia ratou I uta kua o to ratou poti ki roto I tetai manamanata e kua motu atu te taura tei tapeka I teia poti e kua apai ke iatu teia poti tautai nei e te tai. Ko te tumu teia I o ei teia au taeake ki te manamanata kua motu to ratou pai tautai e kua manako I tea ere oriori aere.Te ui’anga oki I konei I te mea e kua kitena ia mai e kare e tika’anga no teia pai tautai kia aere rave I ta ratou angaanga tautai e eaa ta ratou angaanga I Manuae? Tei runga oki I teia pai tautai nei ko te orometua ko Alfred Morris. Meitaki ra oki e kua ora mai ratou.
KUA AUTU ATU TE ITIKI AVATIU I TE TUE’ANGA PORO MAATA
Kua autu atu te pupu tueporo itiki Avatiu I te tue’anga poro maata ki rotopuu ia ratou e pera te pupu tueporo Tupapa I teia maanakai I topa. Ara atu mei te tai tauatini e rima anere tara tei tae atu I te matakitaki I teia tue’anga poro maata tei rave ia kit e ngai tarekareka tipoti o te Pangika o te Kuki Airani. Kua riro katoa te ‘reo tangi reka o te basileia’ koia a Ratio Kuki Airani I te apai mai I teia tu’anga poro na rungai te mareva kia akarongo te manotini’anga o te iti tangata.

Ko tetai manga nuti taitaia oki e akakite nei te Ratio kuki Airani, kua akaari tetai mata o te pupu tarekareka tei riro ratou I te tama I te au tita ki teia ngai tarekareka o te Pangika Kuki Airani I te tu kamakura o te au tangata tei tae atu ki teia tarekarela’anga no ta ratou tita titiri aere ua na te atea maata.

Herald Issue 463 10 June
- World famous activist assisting residents
- Budget will decide if residents prosecute Government over landfill
- Forestry project sucking Mangaia dry
- Budget 2010 – fiasco or disaster?