Te Karere - News Briefs in Cook Islands Maori

AU APIIANGA 0 TAKAMOA
I te ra 26 o Okotopa i topa ake nei kua raveia te Akamaaraanga i te Ra taeanga Evangeliaa ki Takamoa e pera te akatueraanga i te Opati On o te akonoanga. A te ra 26 o Noema kua raveia te oronga anga akairo no te an Apiianga tei apii ana ki Takamoa no tetai a mataiti, e i te Tapati ake ra 29 kua raveia te akatainuanga o tetai o teia au Apiianga ei au Orometua Akatainuia. I te mea kua you rai te tuatau no teia au apuiianga ki roto i te aua, ka tomb mai te pupu ou a teia mataiti ki mua, no tetai a mataiti.

MAINE PATIPIKA
A teia marama kua raveia te tarere maine Patipika kite oire maata o Viti ko Suva. E tai ngauru ma tai an puakapa no te an enua te ka akatuia ki Albert Park i Suva. Ko te akavaanga o teia au purotu ka raveia te reira e tore po, e ko te akakorona anga ia Maine Patipika ka raveia te reira i te a o te po. Ka raveia teia tarereanga mei te ra 21-28 o Noema. Ko te au tuanga te ka akavaia koia oki ko te Peu Karape — Talent, Rakei, Tapeka Pareu e pera te paupau uianga. Ko te au enua te ka piri atu ki teia Tarereanga ko Samoa Marike, Kuki Airani, Viti, Nuti Reni, Niue, Papua Niu Kini, Samoa, Solomon, Tahiti, Tonga e Tuvalu. Ko te pare oki o Maine Patipika tei a Vanessa Marsh o Niue e ko te Kuki Airani ka kauono ia atu aia e Maine Kuki Airani ko Engara Gosselin.
Ka akaruke atu a Maine Kuki Airani Engara Gosselin no te enua Viti a te ra 17 o Noema no te Tarere Maine Patipika.

KARE E REO MAORI, KARE E PEAPA TIKAANGA NOO TINAMOU KI TE KUKI AIRANI
Ko tetai turanga tei arikiia e te Ruru Minita e ko tetai uatu tangata te ka pati i tetai peapa tikaanga nona kia noo kite Kuki Airani nei. ka anoano ia aia kia kite aia e kia marama i te reo Maori. Kua akakite te tauturu Para Minita a Sir Terepai Maoate e kua tae kite tuatau kia rave ia teia, no te mea ko tetai tamanakoanga teia tei tukuia mai ana i te mataiti 2003 e te Immigration advisory Committee. Ka riro katoa teia ei ravenga taporoporo i to tatou reo Kuki Airaani, e no ratou e inangaro nei kia noo tinamou ki konei kia akaari mai ratou i to ratou inangaro kia cite kia tatou na roto i te tamou anga i to tatou rco. Ka tarere ia ratou e rauka ei tetai pepa tikaaanga noo tinamou kite Kuki Airani nei.
Mei teia katoa rai oki i Nuti Reni e Autereria ka inangaro ia tetai uatu kia mako te tuatua paaa ka oake is ei tetai pepa tikaanga no te nob ki teia nga enua nei.

TE MARUAIAI
Ka taoki akaou mai te Po Te Maruaiai i ko i te Punanga Nui, i akakite ei te BTIB, i te tuatau o te Vaka Eiva. Kua akamata ia mai oki teia i te tuatau o te Tarekareka tipoti Iti e kua aere no tetai rua epetoma. Maata rai oki te an tangata tei okooko atu i te reira tuatau. No reira ko tetai uatu tei inangaro okooko atu i te reira tuatau kia taniuniu atu i te numero 24 296. Ka akatuera te makete e rua po.
TUEPORO TAKIITU
A teia Varaire ra 06 o Noema kua tue te poro mua no te Tarere Tueporo Takiitu. Ko te akatueraanga ra ka raveia te reira apopo i te Paraparau. Ko te tarere Tueporo Takiitu o teia mataiti ko te Rua Ngauru Mataiti teia ka rave ia ei teia tarereanga. E 15 au pupu i roto i teia tarereanga, e kua tae aere mai tetai an pupu no te au enua mai i tai. Inanai kua aravei atu te au akava i te pupu Tueporo no Hastings mai, no runga i te tare o te mataara e pera no to ratou an apinga kia tiaki meitaki kia kore e keia ia. Kua akakite te akava e ka aravei atu rai ratou i tetai o te an pupu mea tae mai.
A te Paraparau ka tue te Pupu Mema Paramani o te Kuki Airani kite Pupu Mema Paramani o Nuti Reni no te tue tamataora. Ka tuku ia mai teia au tueanga nei na runga mai te tivi Kuki airani.

AKATUERAANGA 0 TE NGUTUARE 0 ENUAMANU
Ko te akatueraanga o te ngutuare o atiu i rarotonga nei kua akaruke ia atu te reira ki tetai tuatau a teia mataiti ki mua, i akakite tetai mata o te Kumiti i Rarotonga nei a Nga Teao. Ko te tikaanga ka akatuera ia teia ngutuare a teia marama ki mua, no te tail o te turanga o te moni kua akaneke ia atu te akatueraanga ki tetai tuatau ke. Ka you rai tetai $500,000 ki runga i teia ngutuare e te pati ia atu nei te iti tangata Atiu o Rarotonga kia tauturu mai no te angai atu i te an tangata angaanga i te an Maanakai katoatoa. Ka kimikimi moni atu rai no teia ngutuare e tae uatu a teia epetoma ki mua.

PUNANGA NUI MAKETE
Kua akatuera te Punanganui i te po inapo e pera a teia poi akakite ei te Manitia o te Punanga Nui, no te au tangata i aere mai no te Tueporo takiitu. Ko teia porokaramu tei akatuera atu inapo na te Punanga Nui rai i akanoonoo ei tamatamata anga no tetai au akakoroanga a teiamarama ki mua. A teia po parapara ki mua ka tuera akaou te makete e a te ra 10 o Titema, ka raveia te Mire Kai — Food Festival o teioa mataiti ki reira e pera katoa te tapapa nei ratou i tetai porokaramu Kiritimiti no a te ra 17 o Titema. I ko rai i te Punanga Nui mei te ra 24-26 o Noema ko te Po Maruaiai tei akanoonoo ia e te BTIB, ko te tuatau teia o te Vaka Eiva.

TUEPORO TAKIITU
Kua akatueraia te Tueporo Takutu no te Rua Ngauru anga mataiti a teia aiai ki ko i te BCI Stadium i te ora 4.3Opm. E 12 pupu o te tane e3 o te vaine i roto i teia tarereanga. Hastings Rugby & Sports, Araura Enua, Waimiha Rebels, Tama Toa United, Southern Storm, Titikaveka, College Rifles, Tabusoro, Avatiu Motor Centre Eels, Sharpen UP, Tauae Bulls, Ngatangiia/Matavera Flying Dragons, Avatiu Nikao Rugby Club, Te Ara Wheke, TNM Crushers.
Ko te tueanga mua ko te tueanga i rotopu i te au tangata o te Paramani o Nuti reni ki to te Kuki airani. Apopo i te varaire kua tue i reira te tueanga mua ko te pupu o te Araua enua e te Hastings i te ora 4pm. A te Maanakai ora 2pm kua akamata te tueanga mua.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009