Te Karere

AU TANGATA E KOI NEI I TE MONI PAKARI E TE MONI TAMARIKI
Te pati nei te Ministry o te Internal Affairs ki te au tangata e koi nei i te au moni tauturu a te Kavamani mei te moni pakari, moni tamariki, moni makimaki e te vai atura, mei te mea e ka akaruke koe i te basileia i roto i teia tuatau orote, kia akakite atu kia ratou no te mea ka akanoo ia te tutaki i taau moni e tae ua atu ki te tuatau e oki mai ei koe.
Ka noo tetai opita o ratou ki ko i te ngai akatoanga pairere no te akarakara matatio i te au tangata e koi ana i teia moni e akaruke nei i te basileia, e kare i akakite atu ana ki to ratou opati. Te vai nei oki tetai au tangata te aere ua nei ta ratou moni e kua pou ia ratou tetai tuatau roa i te aere anga, e ko te tikaanga tikai ka koi ua koe i teia moni i toou tuatau e noo nei ki konei.

PO MAKETE – TE MARUAIAI
A teia epetoma ki mua mei te po Ruirua ki te Po Paraparau ko te Po Te Maruaiai i ko i te Punanga Nui Makete, no te tuatau o te Vaka Eiva te ka akatuera atu a teia Varaire ra 20 o Noema.

TE AKAAROA IA TIA BARRET
Kua riro te nuti tumatetenga tei tae mai ki te Kuki Airani nei i te Maanakai i topa ei ra maromaroa ki te iti tangata o te Kuki Airani, no te Kumitiona o Nuti Reni ki te Kuki Airani nei a Tia Barret tei moe ki te moeanga roa. Kua rokoia atu oki aia e te maki iaia e paporo uamoa ra ki te Taua tarekareka i Paporo Uamoa – Golf Course i Nikao, e teia openga epetoma i topa. Kua akarere rapurapu ia atu aia ki Nuti Reni na runga i te Pairere o te Vaeau Varani mei Tahiti mai. Kua akakite te Minita o te Foreign Affairs o Nuti Reni a Murray McCully e kua takake atu aia i te popongi Maanakai i roto i te Are Maki Middlemore i Akarana.
Kua akamata atu oki aia i te angaanga na te Foreign Affairs i Nuti Reni i te mataiti 1973, e kua riro aia ei tangata akangateitei e te inangaro ia i roto i te au tuatau i tona angaanga anga na te au enua o te Patipika nei. Kua riro ana aia ei Kukmitiona no Nuti Reni ki te enua Solomon e Viti, e i angaanga katoa ana aia na te Kavavamani Nuti Reni ki te enua ko Tonga, Niu Karitonia e Varani. Kua mou katoa ana aia i tetai au taoanga takake i roto i te tuanga o te Foreign Affairs o Nuti Reni.

TOPA TE TURANGA 0 TE VAITO VAI
Kua tops te vaito o te vai i roto i te an kakapuanga vai takapini ia Rarotonga kite ono ngauru patene i akakite cite Tipatimani o te Vai. Ko te au kakapuanga vai i te tua itinga o te enua te kakapuanga vai kino rava atu te vaito, vaitata ua tetai pae i te pou te vai. No reira. te pati ia nei te iti tangata kia taporoporo i te vai, tamate ia to kotou vai, me e paipa puta toou e te pititi ua ra te vai, kiwi ia tetai ravenga kia koe a you puapinga kore ua te vai.

TAOKOTAIANGA KUKI AIRANI PATI
Kua akakite te Kumiti Akaaere o te Taokotaianga Kuki Airani Pati ki to ratou au Mema i roto i te an Puna tatakitai e kia rave i to ratou au Uipaanga a te an Puna ma te iki mai i to ratou au Kumiti On i mua ake i te Uipaanga a te Kumiti Rotopu te ka raveia a to Ruitoru ra 25 o Noema i to ora 4.30pm i to alai ki ko i te Opati o te Tua Akatikatika i Avarua nei. Ko te akakoroanga o te Uipaanga no te akateateamamao anga i te Taokotaianga no teia Tkianga Maata e to mai nei a teia mataiti ou.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009