Te Karere

KUA PARURU’IA TE ORO’ANGA TOMO ARE O TETAI MAPU
Kua tu atu te tangata paruru I a Metuamoeroa Tangatapoto koia a Norman George, koia tei tu atu ki mua I te akava’anga no te tomo are keia. Ko tana pati’anga ki te akava’anga kare aia I apa I teia oro’anga ki’aia e kua pati tona tangata paruru ki te akava’anga kia oronga iatu te au tuatua I te akataka I tona utunga I runga ia Metuamoeroa e kua ariki te akava’anga I teia. Kua oronga ia I reira te tuatau no teia akataka’anga ki te ra 29 no Mati, e kua tuku iatu I reira te akava’anga o Metuamoeroa kia rave’ia I te ra 8 no Aperira I teia mataiti
TE AKAAPA’ANGA AKAORO MAKOKORE E KUA MATE ATU TETAI TANGATA
Kua riro te tangata ‘ona pitinitia a Kevin Cook I te tu ki mua I te akava’anga no te paruru I tana tamaiti I teia Paraparau I topa. Kua o atu oki tana tamaiti ki roto I tetai u’anga makokore e kua arapaki ma te takino I te kopapa o tetai mapu e kua mate atu aia. Kua akakite te metua o te tamaiti tei o atu ki roto I teia manamanata e ko Tim Arnold te tangata paruru I tana tamaiti no teia akaapa’anga inara, kare aia I va kia tae mai ki te akava’anga. Ko Danny Cook oki, e akaapa’anga tona ki mua I te akava’anga kare ona tika’anga I te akaoro na runga I te mataara I te mea e kare ona raitini, te akaoro makokore na runga I te mataara e pera katoa e kua mate atu tetai tangata mei roto I te motoka tana I akaoro atu. Kua oronga te akava’anga I tetai tika’anga ki a Danny kia rauka te akara matatio I teia au akaapa’anga iaia.
E PAKARI ROA TE VAITO KAVA I ROTO I NGA MAPU
Kua tu atu a John Smith ki mua I te akava’anga no te paupau atu I tetau au akaapa’anga e kua akaoro aia I tetai apinga akaoro e tei raro ake aia I te vaerua kona kava e pera katoa e kare aia I ariki e kia vaito ia aia e te akava I te tuatau I tapu iatu ei aia. Kua akakite oki tona tangata paruru koia a Charles Petero e kua ariki a John e kare teia au akaapa’anga e tika ana e kua pati katoa atu aiai kia vao’o iatu teia akava’anga no John I te ra 25 no Mati akaoti iai.
Kua tu katoa atu oki a Romani Katoa ki mua I te akava’anga I te mea e kare aia I ariki ana I te tuatau I tapu iatu ei aiai e te akava kia vaito ia te pakari o te kava tana I inu atu I roto iaia. Kua riro na Brett Gibson I mata atu iaia ki roto I te akava’anga e kua pati a Brett e kare teia akaapa’anga I tau e na roto I tana kimikimi’anga oonu kia vao’o iatu tei reira a tetai tuatau e rave iai. Kua ariki te akava’anga I teia pati’anga na Brett e pera katoao kia tae mai e kia tae mai te au pepa akataka I te oonu’anga o teia akaapa’anga e pera katoa kia rave’ia te akava’anga no te akaoti I teia akava’anga no Romani I t era 29 no Aperira.
TE AKA’APAANGA TANUTANU TITA AKAKONA TANGATA KIA IMENEMENE AIA
Kare a Roger Tauarea I ariki I te akaapa’anga e te tanutanu nei aia I tetai tita no te akakona I te tangata. Kua u’I iatu kia’ia e te akava’anga ngateitei me ka inangaro aia kia rave’ia tona akava’anga na roto I tetai pupu tangata koia te jury me kare te akava’anga ngateitei? Kua akakite oki a Roger e kare ona tangata paruru iaia ki roto I te akava’anga e kua vao’o iatu te akaoti’anga I te akava’anga o Roger I te ra 29 no Aperira I teia mataiti; e kia uatu rai a Roger ki roto I te rima o te tuare I teia tuatau
TE AKAAPA’ANGA E TE MOU NEI TETAI MAPU I TETAI PUPU’I I ROTO I TONA RIMA
Te akakite nei te tangata paruru o John A. Henry I roto I te akava’anga koia a Norman George I teia epetoma e ko te au akaapa’anga ki a John e tei roto I tona rima tetai au apinga tamaki te ka riro I te tamanamanata atu I te ora’anga tangata mei te pupu’I kare teia I te akaapa’anga tau. Te akakite katoa nei oki a Norman I teia akaapa’anga kia akara matatio ia tei reira I mua ake ka aere uatu ei te akava’anga o John.
Kua tuku te tangata paruru o John I tetai pati’anga kia vao’o iatu teia au akaapa’anga e pera katoa kia riro e na tetai pupu tangata jury e akara matatio o teia akava’anga nona ma te tuku I te tikau tau. Te akapakari nei oki a Norman e ko teia au akaapa’anga ki runga I tana tangata e paruru nei kare tei reira e tiratira tu ana. Ko tana tangata oki e paruru nei tei runga rai aia I tetai akakotinga I tona tika’anga kia kitena I te ngai tangata I tetai au tuatau tei akataka ia mei te mataiti 2009 mai; e I rotopu I te ora 7 I te aiai ki te ora 7 I te popongi. Kare oki I na Norman ei e ngaoie I a John I te kimi I tetai ngai angaanga nana I rotopu I teia ora tei akataka ia. Kua ariki te akava’anga ngateitei e kia akamaru ia mai teia au tika’anga no John e kia no’o rai aiai kit e ngutuare o tona nga metua e pera katoa kia ripoti ua mai rai aia I te opati o te Akava I te au aiai Varaire katoatoa I rotopu I te ora 5 ki te ora 6. Kua vao’o iatu teia akkava’anga no John I t era 8 no Aperira rave iai.
Kua tu atu te tangata paruru I a Metuamoeroa Tangatapoto koia a Norman George, koia tei tu atu ki mua I te akava’anga no te tomo are keia. Ko tana pati’anga ki te akava’anga kare aia I apa I teia oro’anga ki’aia e kua pati tona tangata paruru ki te akava’anga kia oronga iatu te au tuatua I te akataka I tona utunga I runga ia Metuamoeroa e kua ariki te akava’anga I teia. Kua oronga ia I reira te tuatau no teia akataka’anga ki te ra 29 no Mati, e kua tuku iatu I reira te akava’anga o Metuamoeroa kia rave’ia I te ra 8 no Aperira I teia mataiti
TE AKAAPA’ANGA AKAORO MAKOKORE E KUA MATE ATU TETAI TANGATA
Kua riro te tangata ‘ona pitinitia a Kevin Cook I te tu ki mua I te akava’anga no te paruru I tana tamaiti I teia Paraparau I topa. Kua o atu oki tana tamaiti ki roto I tetai u’anga makokore e kua arapaki ma te takino I te kopapa o tetai mapu e kua mate atu aia. Kua akakite te metua o te tamaiti tei o atu ki roto I teia manamanata e ko Tim Arnold te tangata paruru I tana tamaiti no teia akaapa’anga inara, kare aia I va kia tae mai ki te akava’anga. Ko Danny Cook oki, e akaapa’anga tona ki mua I te akava’anga kare ona tika’anga I te akaoro na runga I te mataara I te mea e kare ona raitini, te akaoro makokore na runga I te mataara e pera katoa e kua mate atu tetai tangata mei roto I te motoka tana I akaoro atu. Kua oronga te akava’anga I tetai tika’anga ki a Danny kia rauka te akara matatio I teia au akaapa’anga iaia.
APAKORE NO TE TOMO KI ROTO I TETAI NGAI KARE E TIKAANGA
Kua tuku te roia a Charles Little i tana tiati e kare a Helen Greig i apa i te tomo ki roto i tetai ngai kare ona tikaanga.Kua pati a Little ki te akavaanga kia oake pouroa te tua akaapa i te au mea ta ratou i kite no runga i tei tupu kia ia i roto i te 2 epetoma akamata mai mei te ra o te akavaanga i te Paraparau ra 18 o Mati. Kua akatika ia tana patianga kia oroanga ia te au apinga kiaia i mua ake i te ra 1 o Aperira 2010. Kua vao iatu teia manamanata ki te ra 22 o Aperira 2010 kia rauka i te akanoo meitaki i tetai ra no te akavaanga. Kua akatika ia te tangata i akaapa ia kia matara mai no roto i te rima o te ture i teia tuatau.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009