Ka angaanga kapiti a Angene noou e Tupapa Maraerenga

Me iki a Tupapa Maraerenga iaia kia tu I roto I te are paramani ka inangaro aia kia kapiki ia aia e ko George Angene; te ingoa ta tona mama angai I kapiki iaia I tona anau’anga. E vaine Mangaia oki teia mama angai no George.
I roto tana uriuri’anga tuatua ki te nuti pepa Times I teia paraparau I topa I muri ake ka autu atu ei aia I te oro’anga mata I te pati CIP I teia iki’anga e tu mai nei; kua akakite a George e ka angaanga kapiti aia no te oire Tupapa e Maraerenga e ka mata aia no te iti tangata katoatoa. “E akakite mai iaku I toou anoano; e akakite mai kiaku eaa taku ka rave, e eaa taku ka tauta kia tupu no te tu’anga iki’anga” e akakite nei a Angene. E manganui oki te anoano o te iti tangata ki roto tikai I te au ngutuare tatakitai I nana ei e ka opara uatu rai aiai I te anoano o te iti tangata me tu aia ki roto I te are paramani.
I te tuatau oki o teia iki’anga I teia ruitoru I topa ko te tare o Angene e 183, to Mereana Poaru e 130, to Taoro Strickland e 80 e to George Turia e 11. Kia rave’ia te tare’anga openga e 170 o Angene e e 139 o Paru tare. Ara atu I te 500 au tangata tei tae atu no teia iki’anga e ko te manganui’anga o teia au tangata tei tae atu no te matakitaki I teia iki’anga. E 700 oki au tangata tei retita no te iki I taua po ra e mei te 1,002 tangata tei retita I roto iakoe e Tupapa e Maraerenga no teia iki’anga maata e tu mai nei.
Kua uriuri tuatua atu te nuti pepa Times I te tauturu tama akatere au o te pati Temo koia a Mareko Paraoni no runga I te au tuatua tukauvi no teia iki’anga I a Angene no tona tu oki I teia au tuatau tei topa; e te ariki rekareka nei tana pati I te iki’anga o Angene noatu tona tu I teia au tuatau I topa e pera katoa te tau I te rave’anga ia teia iki’anga tei rave ia I teia paraparau. Kare oki e manamanato I kitena ia mai e te mataara no te iki’anga.
Te oronga nei oki a Angene I tana reo akameitaki I tona au turuturu e pera katoa te turuturu a te oire tangata Tupapa e Maraerenga mei te au arataki o roto I te oire I te au turanga katoatoa. Meitaki maata e akakite nei a Angene e “ka rave au I taku I anoano ei meitaki no te oire ma te angaanga kapiti ia kotou katoatoa

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009