Te akamarama nei te tama akatere ‘au o te uapu a Sam no runga i te akateateamamao’anga i te uapu iti i Puaikura

Kua tae mai a Sam Crocombe, te Tama Akatere ‘Au o te kopapa metua e akateretere nei I te Uapu ma’ata ki runga I te porokaramu karangaranga a Ratio Kuki Airani I teia popongi no te akamarama atu ki te iti tangata; iakoe tikai e Puaikura I te akateateamamao’anga no runga I tetai uapu iti te ka maani’ia ki roto iakoe e Puaikura.
Te akakite nei oki a Sam e kua tupu mai teia manakonako’anga no ratou I te kite atu’anga ratou I te au ngai tukauvi no te au pai mama’ata e apai mai nei I te turoto ki roto I to tatou basileia e I tetai au taime kinokino o te tai moana kare teia au turoto e aere mai ana ki rungai te enua e kua riro tei reira ei moni ruti ki te basileia e pera katoa te aronga kimi puapinga me oki teia au pai nei.
I roto I reira I ta ratou akarakara’anga e pera katoa te au ‘ona pai apai turoto mai I tamanako ia mai ei tetai uapu takake mei to Avatiu I ngai ruru o te tai moana I tetai tua o te enua koia I Arorangi e ko te nga tei tamanako’ia mai koia te Ava Tapu I roto iakoe e Puaikura.
I te tuatau katoa oki o te akateateamamao’anga no teia uapu iti kua rave iana tetai uipaanga ki te aronga mana o Puaikura no ta atou turu I teia tamanako’anga e pera katoa tetai uipaanga ta Sam I piri atu ana ki Miami kit e au ‘Ona pai mama’ata apai uroto e kua ariki raou I teia ngai nei ma te tau.
Ka riro oki te uapuu iti va Tapu ei puapinga I te oire Puaikura e akakite nei a Sam; puapinga ki te aronga kimi puapinga, te aronga tautai, te apii. e pera katoa te Evangelia me tae mai te pai I te Tapati. Te poitirere nei okia A sam e riro nei teia kavamani tokoiti I te akatuke I te au angaanga no teia uapu iti I te mea e te tamanako’ia mai nei kia apaina atu teia uatu iti nei ki tetai ngai ke koia I Rutaki. Ko te aite’anga I reira e akakite nei a Sam ka riro teia akatuke’anga I te taroaroa I te au angaanga no akamata atu I te maani I teia uapu iti I te mea oki e kua ariki te aronga mana I te tamanako’anga mua I Ava tapu.
A teia Monite e tu mai nei ka rave akaou’ia tetai uipaanga naau e Puaikura no te akapapu me ka ariki rai kotou I teia uapu iti me kare. Me e kare ta kotou pau’anga ko te aite’anga I reira ka akarakara akaou ia teia manakonako’anga e ka riro tei reira I te taroaroa I te au angaanga.
Te akakite nei oki a Sam e ko te turanga o te au pai turoto e aere mai nei ki Rarotonga nei mei teia tona tare e paera katoa te turanga o te moni a aere mai nei ki roto I te basileia tauturu I te akapuapinga ia tatou. Mei teia te tu:
Mataiti 2002 – 2008 E 197 au pai turoto I tae mai ki Rarotonga nei
I teia numero nei e 152 (77%)
au pai turoto kare I tapu mai ana.
Moni ruti ki te basileia
Moni Nuti Reni NZD$5,916,010.00(Mataiti 2002 - 2008)
I te pai turoto okotai
Moni Nuti Reni NZD$131,456.00(Pai teia kare I tapu mai)
Te taitai’a katoa nei oki aia I na Sam ei e te riro nei te tuatua no te uapu iti no Puaikura I te apai mai I te vaerua poritiki ki te oire tangata e pera ki te katoatoa e kare teia I te vaerua tau. I te mea I reira I nana ei e kare te oire Puaikura e ariki teia tamanako’anga I roto I teia uipaanga tei kapiki’ia a te monite; kua ruti I reira te oire tangata I teia meitaki e te puapinga mei ko mai I te angaanga turoto.
Kua ta-niuniu katoa mai tetai au tangata no te u’iu’i marama no runga I te puapinga o teia angaanga e rave’ia nei e kua rauka Ia Sam I te paupau atu ma te akamarama I tetai au ngai no teia au ui’anga nei ma te ekoko kore. Kua tapiri katoa ia mai ki runga I teia karangaranga I teia popngi ruitoru te Minita o te Pae Angaanga koia a Smiley Heather e kua riro katoa aia I te akamara I te turanga ta te Kavamani metua ee noo nei I te kite’anga e kia puapinga rai teia manakonako’anga. Te akakite nei ra oki a Smiley e kare tona oire tangata e patoi nei I teia manakonako’anga inara, te irinaki nei aia e kia akara iatu tetai nga takake atu no teia kia maru tei reira ki te oire Puaikura. Te irinaki’anga oki o te Minita kia ‘au tatou te oire tangata Puaikura e auraka e noo manamanata no teia tamanako’anga. Na roto I te angaanga kapiti tetai e tetai ki roto I te oire kua ‘au I reira te oire tangata.
Ten ate kapiki’anga I reira iakoe e te oire Puaikura a teia Monite e tu mai nei ta kotou uipaanga n ate katoatoa te ka rave’ia kia rauka I te atoro akou atu I to kotou manako turu I teia manakonako’anga e ko ta kotou pauanga ka inangaro’ia me ka aere uatu rai teia au manakonako’anga ka puapinga tatou e me e kare ta kotou pau’anga kua ruti I reira kotou I teia puapinga ka rauka mai. Kua akakite katoa oki te nuti pepa Herald e te vai nei a Ngatangiia e pera katoa a Pa Ariki I te inangaro kia apaina iatu teia manakonako ki to ratou paepae me kare a Puaikura e inangaro.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009