Te Karere

Uri’ia e Tiare Rani

VAKA TE MARUMARU ATUA KI MANGAIA NO TE TUKATI’ANGA TE MARAMA KI TE RA
Ko te vaka teretere moana o te Kuki Airani tei kapiki’ia e ko te Marumaru Atua ka aere atu tei reira ki Mangaia no te apai atu I tetai au manuiri kia kite ratou I te ‘tukati’anga te marama ki te ra.’ Ka akaruke te vaka I te ra iva no Tiurai, I te mea e ka manea te reva. Ka riro oki e n ate pairere Rarotonga e ariki I te tarau’anga noo’anga no tetai uatu e anoano nei I te aere na runga I teia tere ki Mangaia.
E manganui uatu oki tei teateamamao kia tae ratou ki Mangaia no te matakitaki I te tukati’anga te marama ki te ra. Kua tae katoa mai te tuatua e ka tae atu no teia akakoro’anga tetai au aronga kite pakari mei te enua mamao. Ko te tere ra o te vaka Marumaru Atua kua tau tei reira I raro ake I te ture no te teretere tai moana no tetai uatu kia apai to tatou vaka na runga I te tai moana ki tetai enua ke. No tetai uatu e inangaro nei io te aru o te tere o te vaka moana Maruamaru Atua ko te moni no te patete mei te itu anere e iva ngauru ma rima tara I te tangata okotai e ka rauka iakoe I te tuku atu I toou ingoa ki raro ki ko I te opati o te pairere Rarotonga I Nikao.
KIMIKIMI MONI NA TE AKAVA NO TE MAPU
Ko tetai akakoro’anga kimi moni ta tea kava e rave nei no te tauturu I te mapu kua akamata atu tei reira I teia varaire.Ko tetai uatu tei anoano I te tauturu I teia akakoro’anga ka ariki’ia tei reira. Akamata I teia po ka oro takapini tetai pae I a Rarotonga nei e kua tarau’ia teia aronga ma te tutaki e ko te au moni ka rauka mai ka tauturu tei reira I teia akakoro’anga ta tea kava e rave nei. Ko Paraia Vainerere raua ko Alan Rua nga akava e riro nei I te akatere I teia porokaramu meitaki.
E a ngauru ora te roa I teia oro takapini ta tea kava e akateateamamao nei te ka akamata atu I teia aiaia varaire e ka akaoti apopo I te maanakai. Ka riro rai tea kava I te paruru I te aronga oro takapini e ka piri au ki roto I teia oro takapini nei e ko te pupu mapu mei roto atu I te taokotai’anga tereni’anga mapu I te pae o te tipoti e pera katoa te pupu Te Manava.
Ko teia akakoro’anga oki ta tea kava e rave nei I te tauturu I ta tatou mapu kia kore ratou e o atu ki roto I te au manamanata I te akatuke I to ratou ora’anga mari ra, kia riro mai ratou ei au mapu meitaki no te oki apopo.
TE KIMIKIMI MONI A TE OIRE TITIKAVEKA TAUTURU I A ARATOA
E rua a te oire Titikaveka kimikimi’anga moni te ka rave iatu I teia varaire e pera katoa apopo I te maanakai. Ko te au moni katoatoa me rauka mai I te tauturu I nga metua o Aratoa Mana ia Aratoa tei tomo atu ki roto I tetai akameitaki’anga I tona turanga koia teia kitena’ia mai e e maki maata tona I te pae kopapa. Tei roto oki a Aratoa I te aremaki Starship I Akarana e e tai ngauru ma toru ona mataiti e e mapu maroiroi aia ma te tukatau I roto I te au angaanga o te oire.
Te vai katoa nei tetai au tu kimikimi moni a te oire. I teia Monite I topa kua rave atu te pupu tueporo I raro ake to ratou mataiti I te tai ngauru ma toru o te oire e I teia popongi varaire kua rave atu ratou I tetai koikoi’anga moni na runga I te mataara maata I Avarua nei. Apopo I te maanakai ka takapini atu te oire tangata I a Rarotonga nei no te koikoi’anga moni. No reira, me inangaro koe I te tauturu I teia akakoro’anga ta te oire tangata Titikaveka e rave nei kia oronga atu I toou rima aroa kit e aronga e akatere nei I teia akakoro’anga.
TE ARE TOA MANEA FOODS OKO MAI I TE KATINI MOA
Ka turu atu te are toa Manea o Nikao I te akakoro’anga ta tea kava e teateamamao nei tauturu I te akakoro’anga o tea kava no te kimi ravenga kia meitaki ta tatou mapu. Ka oko atu ratou I te katini ‘u’a moa mei te a ngauru ma iva tara e rima ngauru tene I te katini mei te apa no te ora ono I te aiai e tae uatu I tea pa no te ora itu, okotai ora teia oko mama na ratou. Mei roto I te moni o te katini moa e rima tara ka oronga atu e are toa Manea no teia akakoro’anga. A akakoro’anga oki ta tea kava e akateateamamao nei no te or takapini I a Rarotonga nei no tetai a ngauru or ate ka akamata I teia aiai I te ora ono e ka taopenga atu I te popongi maanakai I te ora ngauru I te popongi
TE TERE O TE PUPU IMENE VIRGIN VOYAGE KA TAE MAI KI RAROTONGA NEI
Ko tetai tamaiti imene rongonui e tatou e noo nei I Nuti Reni ka tae mai aia ki Rarotonga nei koia a T’Angelo ma te pupu imene Virgin Voyage I te tuatau o te uti’anga reva o te basileia no teia mataiti. Kua tuku mai ana oki a T’Angelo I tana pati’anga na roto I te roro u’vira kit e au ngai tamataora I Rarotonga nei pati tauturu kia rauka I teia au ngai nei I te ariki ia ratou kia tamataora atu ki teia au ngai nei.
Ko tetai akakoro’anga maata e tae mai nei ratou ki konei no te akakoro’anga tauturu I te kimikimi moni’anga no te ngutuare o te iti tangata Rakahanga I Rarotonga nei. Ka riro katoa teia pupu ei manuiri kit e ra o Rakahanga I te ra 6 no Aukute, I teia mataiti.
Te akakite katoa nei oki a T’Angelo kit e nuti pepa Taime e koia te arataki maata o te pupu akatangi Virgin Voyage e kare I raro akaou I te akatere’anga a te tangata rekoti imene koia a Noo Pare o te Heimana Studio. No reira, ko tetai uatu ka inangaro kia tamataora atu teia pupu imene a T’Angelo kia taniuniu atu iaia I Nuti Reni ki runga I te numero 00649 276 9351.
TETAI TAMAITI A NUKUROA E APII NEI I ARAPIA NO RUNGA I TE REO PAPAA
Tei Rarotonga nei no te orote e pera katoa te aravei atu I tona ngutuare tangata tetai tamaiti ko tona mama no Nukuroa mai koia a Steven Rampling, tona tokorua a Suzie e ta raua mea potiki ko Ariki. Kua tae mai raua ki te TV e pera katoa te nuti pepa no teia nuti.
Te apii nei raua I te reo papa’a kit e au tamariki e angaanga nei to ratou au metua e noo nei I Arapia. Kua uriuri tuatua katoa atu a Steven I te ora’anga o reira e ta raua I kite atu I te tauvi I te nooi teia basileia. Kare oki I na Steven ei e are kava I reira e kare katoa e ngai tamataora.
E turanga ngateitei teia tei rauka I teia tamaiti nei e ko tona tupu’anga mei Nukuroa mai tei reira.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009