Tetai au upoko manako mei konei atu i te Pati Te Kura O Te Au

Te akakite nei a Jancey Trego, te vaa tuatua o teia pati ‘Te Kura O Te Au’ no te tu’anga I Rarotonga nei I tetai au upoko manako out a ratou I uriuri atu. Ko te Kumiti rotopu no te akamarama I teia patio u e kakite nei a Jancey ka riro teia I te akapuapinga uatu I te turanga o to tatou iti tangata.
1. Kia a’iteite te au mema paramani te ka tu ki roto I te are paramani I rotopu I te tane a te vaine e kia opara katoa’ia oki te au upoko manako no runga tikai I te iti vaine kia opara ia ratou kia tu I teia oro’anga mema paramani.
Kua ariki katoa oki teia patio e ko te vainetini ko ratou tetai aronga maroiroi I roto I to tatou ora’anga e kia akamaroiroi’ia ratou kia tomo ki roto I te angaanga poritiki.
2. Ko te aronga angaanga Kavamani te ka oro ki teia iki’anga maata e tu mai nei kia va’oo ia rai ta ratou au ngai angaanga I te mea ko ratou tetai aronga tukatau no te akatere I te basileia I ta ratou au angaanga kavamani e rave nei. Kia akamaroiroi’ia rai oki te aronga angaanga kavamani kia oro I teia iki’anga maata e auraka katoa kia topa mai mei runga I ta ratou au ngai angaanga e, auraka katoa kia tamanamanata’ia e ka ruti ratou I ta ratou ngai angaanga
Te akakite katoa nei rai oki a Jancey a kare e roatu ana ka tuera ratou I to ratou opati maata I te openga o teia marama. I teia taime nei te riro nei te au mata o nga tapere I te angaanga marie no te rotai mai ‘anga I tetai au mema no te pati e pera katoa tetai tangata tukatau kia tu no ratou I teia iki’anga maata e tu mai nei ‘ia tatou e tapapa nei no te tuatau iki’anga.
Me iki oki to ratou au mema I na jancey ei kare ratou a aru I te au takainga ta nga pati mama’ata I rave na roto I te akatake’anga atu I te au mema ka tu na roto I te iki’anga a te katoatoa. Kua ariki oki teia pati e kare teia I te akara’anga tau e ka riro I te akataitai’a I te iti tangata na roto I te vaerua kino ka tupu mai I te vava’i I te au mema turu Ia ratou. Te irinaki pakari nei teia patio u kia tupu ua rai te ‘au I rotopu ia ratou.
Kia u’i iatu e e’aa ta ratou ka rave I reia e auraka teia kia tupu kua akakite a Jancey e kare ratou e ariki ana I teia mataara tau kore no te akatupu’anga I te vaerua kino ki roto I to ratou au mema kareka ra, kia rave ratou I te angaanga poritiki na roto I te ti’ama e pera katoa te ‘au.

Uri ia e Tiare Rani

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009