Eaa te Semeio o te Parabole Bibilia e te Parabole Enua.

Akaraanga o te Bibilia,
Moni ngaro, E metua vaine teia tei akaputuputu I tana moni kia rava e tai ngauru anere tauatini. Te manakonako kia akaipoipo aia I te tane ou, inara kua ngaro e tai kare e taeria te anere, kimi atu ia aia I roto I tona ngutuare e kua kitea tana moni.
Te Semeio I konei kua kitea tei ngaro.
Mamoe ngaro, Kua aere te tiaki I te kimi I tei ngaro kiea akaruke ei aia I te iva ngauru ma iva, Eaa tei tupu, kua kitea te mamoe, Eaa te Semeio? Kua kitea te mamoe kua katoa tei anoano ia.
Tamaiti ngaro kua aere I te kai tuauau I te meitaki o te metua, e kainga manea e au tavini tona e kai maata. Tei te atea ke. Kua oro te metua kua tatomo e kua ariki I te tama ki te kainga. Te Semeio I konei, Taku tamaiti I ngaro ana kua kitea mai, I mate ana kua ora mai nei.
Akara I te tai o te au Parabole Enua. Eaa te aiteanga o tia nei Parabole. Maria e aku potiki kia kite korua I nga ina potea.
E maata te tuatau I roto I te oraanga o te tamariki e rere vave ratou I te maataanga o te tuatau I te au mea e tupu I te kainga no te oraanga rangatira.
I roto I te oraanga mapu ou, ka inangaro te tamariki I te au mea pou roa. Ko ratou te kite na mua.
Eiaa e rapurapu, eiaa e piki vave ki runga I te ataata e tiaki kia rako tangata meitaki kia kite I te arataa tika e te tano no te aerenga e no te oronga I te manako o te pakari ki uki e aru I te tua.
Kia kite I nga ina po – tea kare e noo ua I te ao o te po poiri e rua tuanga o te oraanga. Akara e au po kau poiri, te tai e au po marama te tai me aere koe I te po poiri e kare e turama, ka topa koe ki raro me kore ka rokoia koe e te tumatetenga. Ko te au mea e rave ia I te po poiri e au mea kikino anake te reira, no reira e mea tau kia marama te enua ei reira koe ka rave ei I taau angaanga.
I roto I to tatou oraanga, e mea tau kia akara matatio tatou e te kite I te akakite ki te au tangata e te rave angaanga nei ratou I roto I te tuatau poiri o te po.
Eaa te rangatira I roto I teia parabole, auraka e kopae ke I te reo o te pakari e tamou e ripiri tikai ki to kaki e tata oki I te reira ki te papa o toou ngakau.
E tama e maine e au tavini pouroa tatou no te akakite I te tuatua ora ki tei noo I te poiri no te mea kua akakite mai a Iesu “Ko kotou te marama o teia nei ao te Oire I akatu ia ki runga I te maunga, kare ia e ngaro”
Kia Orana e Kia Manuia.

E au tuatua “PARABOLE”

Parabole Kuki Airani.
1. Kia pukuru o vaevae kia mokora o kaki, E raro rakau ta tatou e karanga ia e, E kuru e rau mamaata tona e ko tona aka ka pipiri takapini I te pu rakau. Ko te reira te kuru kia mokora o kaki kia roroa toou kaki I te akara I te angaanga ‘a toou kopu tangata I te atea ke, kia aere koe kia kite I ta ratou angaanga.
2. Mou I te ko mou I te ere.
I roto I teia parabole Mou I te ko koia oki e tangata tanu
koe e te angai manu, mei te tanu taro, kumara, maniota e te vai atu ra angai I te puaka, te puakanio, te puaka toro, te moa. Me tupu te angaanga kopu tangata kua papa koe I te kite I te angaanga a toou taeake.
3. Turituri tamariki kainga ora, ko te ngutuare kare e tamariki e riro te reira kainga ei kainga me kare ngutuare ei maromaroa me e tamariki te tai kua riro ratou ei mataora kia mama e papa e pera ki te nga ruau I te kainga.
4. Te moa e kakaoa mua nana rai te ua. Kua aite teia parabole ki te au tangata taritari tuatua, kare te nuti no te tai angaanga I akakite ia kua kite te katoatoa. Mou I taau muna kia koe. Auraka e pupu vaa vave e tiaki kia papu meitaki.
E aa taau parabole enua e taniuniu atu Ia Pastor George 24316 me kare 56583. Nako atu i
te Punanga Nui tei reira te kaope, ti milo e te (pan cake) varaoa varaipani te tonati e te
yellow buns.

By Reverend Ngarima George

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009