Te Putokotoko

Aue, e tuatau paroro teia, e te pakari o te oraanga. E meangiti te moni angaanga e te oko maata I te apinga o roto I te au are toa. E aka moni te tutaki I te taniuniu ki te au enua mamao. Te akatuera I taau taniuniu e te vai atu ra.
No teia turanga ka kite tatou I te maata I te au tangata pakari te mapu I te kimi ravenga I te okooko ki ko I te Punanga Nui Makete ko tetai au tangata e apainga I te tutaki moketi o te are me kore ra I te tutaki I to ratou au pereo
E tama e maine, e ma e pa, vaitata rai I te au epetoma ka akarongo tatou I te tangi o te ratio, tuatua tumatetenga, kua takake atu a (mea) na te ara tiroa o te mate ka taeria e 3 ki te 5 au tumatetenga I te epetoma. Eaa roa ia tu e kitea nei.
Ka akarongo tatou I te au karere mei roto mai I te vaa o te au tavini o te Atua I te apai mai I te akapumaana, inara te maata nei rai te au kino e raveia nei.
I teia epetoma kua manako au I te tata atu I teia tumu manako tei aravei mai te tai au taeake no runga I te oraanga o te tamariki ki to ratou au metua. Te meitaki e te kino e kitea ia nei. E rua e ia tu tamariki angaanga meitaki ta te tai pae, e angaanga kikino ta te tai pae e akarongo te tai pae I te tuatua, e taringa turi te tai pae. Teia te uianga, Ka akapeea tatou I teia e tupu nei?
Ka timata au I te pau I teia manako. Ka akara tatou eaa ta te tuatua a te Atua e apii mai nei, eaa te tauanga ki te oraanga. Teia ta Paulo I tata ki te Ekalesia I Ephesia . Tatau Ephesia_6:1-4 “ E te au tamariki ra, e akarongo atu I to kotou au metua I tei tau I te Atu ra, E tuatua tika oki te reira. E akangateitei I to metua tane e to metua vaine . Ko te akaueanga muatangana ia I pauia I te meitaki I akakite ia mai kia meitaki koe kia akaroa ia toou puke ra I te enua nei. Ko kotou oki e te aronga metua auraka e aka riri atu I ta kotou au tamariki ra e apii ra ia ratou kia pakari ma te ako a te Atua ra.”
E irava tuatua tano tikai teia kia akara oonu ia e te timata kia kitea te rangatira I rotopu I te metua e te tamariki. Kua akarongo au e kua kite au I te meitaki e te kino I te tai au mea e tupu nei ki te oraanga o te au metua ki ta ratou au tamariki. Continued next week

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009