Te Putokotoko

Akara I te tai au manako
1. E au tamariki anau te tai, e au tamariki angai tetai – E rua tu oraanga ka kitea ia. Tetai au tamariki angai e maata atu to ratou inangaro me kore ra akaperpere I to ratou au metua angai, e te aka meremere I to ratou au metua anau. Tetai au ngutuare e maata atu to te metua tane e te metua vaine taime ki ta ratou au tamariki angai I ta rataou tikai I anau mai. Ko te tamariki angai ka rave mai koe I te tamariki a toou , teina, me kore tuakana me kore tuaine ei tamariki naau penei I roto I toou oraanga akaipoipo kua roa te tuatau, kare korua ko taau vaine I tu I te vaevae tamariki. Penei kua inangaro koe e taau vaine I te angai I te tamariki a toou au taeake me kare te tamariki a te au taeake a taau vaine.
I tetai au tangata ka tupu mai te manamanata me kore ra te pekapeka I roto I te ngutuare. Ka karanga te tamariki anau e maata to te metua tane e te metua vaine ki ta raua tamariki anau, kua riro I reira ei mea mamae. I roto I tetai au ngutuare ka kitea te akamoupuku, ka kite tatou ka komakoma te tamariki kareka ra I roto I te ngakau te ka nei te tai ai. Kua kite au I teia tei tupu, te tai pae metua kare ratou e akakite ki te tamariki anau e koai tikai to ratou papa me kore mama anau ka karanga ratou e, ko ratou tikai te metua anau, kare teia tu I te mea meitaki. Te tai au tamariki kua kite ratou e koai tikai te metua anau o teia tamaiti angai e riro ratou I te amuamu I te reira tamaiti, kua tupu mai te manamanata.
Tetai au metua no te meitaki I te akonoanga a te tamariki angai, ka oronga ratou I te tai au tikaanga no te apinga ngutuare kare te reira e riro roa ei manamanata auraka ra te potonga enua . Eaa te tumu ko te enua, kare e tikaanga toto o te tamariki angai e riro tetai pae o te kopu tangata I te patoi. Kia anau mai matou kare to matou papa e to matou mama I akakite mai e ko teia tamaiti ko Puapii Mehau na raua e, e teina teia tamaiti noku.
E ma e pa e tama e ine akara tatou I teia tu, kia tae mai au ki Rarotonga nei I mua ua ake I toku 2 ngauru matai mataiti I kite ei au e ko teia tamaiti ko Puapii Mehau e teina tikai teia noku, ko au te mua aru I te tua ko Puapii, Ko Mama Ngere ko George. Kua uiui au ki to matou papa e te mama kua akakite mai raua e a tetai ra ka akakite mai raua I te tumuanga I pera ei. Kua rava teia, a teia epetoma ki mua ka akapou ei te manako no te Tamariki anau.
Manako keke te akaroa e maata tetai au tangata e takake nei ki te mate e au tangata angaanga meitaki no te basileia. Kare ra I oronga ia te tai tapao no ratou e ta ratou angaanga meitaki akakite ia mai, akapeea te ravenga no teia.
Kia Orana e Kia Manuia.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009