Te Putokotoko

Kia Orana I te aroa maata o to tatou Atua no te au ra I topa ki muri e no te au ra e tu nei ki mua ia tatou. E mea mataora tikai I te akarakara I te maata o te tangata e ta ratou au takiri koe e te takiri papa I te popongi e te aiai.
Kiea akakite ia mai te kai nei te kupa e te ature I te avai Avatiu E takiri uru ta te tai pae, e takiri maunu ta tetai pae, eaa ia pakau te oki nei tetai pae ma te katakata no te mea ka parara me kore pititi te varaipani.
I tetai au epetoma i topa ake nei kua kite tatou I runga I te TV (avata tutu) I te Minita ia Teina Bishop I te SIGN (Tarima anga I te tai Koreromotu ki te Tinito no te tautai I roto I to tatou tai moana.)
E te Etita ko te uianga I konei eaa te au akonoonooanga no teia korero motu. Eaa ta tatou ta te Kuki Airani I rauka mai ko te moni raitini ua me e moni ke atu te tai. Eia tane ika ka akatika ia te Tinito kia tautai I te pai okotai I te marama. E ia patene o te ika ka rauka I te pai okotai ka oronga mai te Tinito ki te Kuki Airani. Eaa te oko I te ika Tuna, (Big Eye, Yello Fin, Skip Jack, Maimai, Wahoo, e te vai atura)
E tama e maine kua riro a Tahiti ei akaraanga na tatou kua oronga Tahiti I te Raitini ki te Tinito, Tiapone, Twaiwon e te vai atura, ko ta teia au Kamupani pai tautai I rave ko te tutaki ua I te raitini tikaanga kia Tautai kare ra I akara ia e Tahiti eaa te maata o te ika I te pai okotai.
Eaa tei tupu kua ruti te iti tangata Tahiti kua peke ta ratou kaparata kaikai ko te au pa enua tei manuia I ta ratou kimi puapinga.
Aue taue eaa ia pakau me e tika teia ko te moni raitini ua ta Tinito ka tutaki e kare aia e tutaki I tetai tuanga moni no the ika I roto I taku kaparata E AU KAMAKUA tikai teia au tangata angaanga a te Fisheries.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009