Te Putokotoko

Te Tai au Tuatua Taito
Te karanga nei teia Tateni o te enua Manihiki.
“Te Monine, Te Monine, ka horo ki tahi tara, ka horo ki tahi tara, Te Monine, Te Monine, Te Monine, Te Vinivini, Te Vanavana, Te ngongoro, Te kamikami, Te papara. Te motu te motu nei e, O, kare oku vaka Tietie I pae mai ana na konei, kare a Tera tei te motu ra.
Taku Kopeka
Taku kopeka e, Taku kopeka e, ka rere ki tai, ka rere ki te Moana ka rere ki te maunga ka rere ki te au peka vai e. Tihapahapa na te moana, uri uri taku aro ki te moana ki te maunga e tangi vinivini, e tangi vauavaua te tangi a te manu e Torea.
Kia Orana e te iti tangata o te Atua I te aroa maata o te Mesia. Te tai au akonoanga maori no ta tatou au kai maori Te henua Manihiki e karanga ratou faikai.
I te Punanganui Makete, te maata nei te au tangata te okooko nei ratou I ta ratou au kai tanutanu, mei te meika, taro, tarua, te nu, te rukau te akari e te vai atura. E maata katoa nei te au tangata te okooko nei ratou I te au kai kua oti I te tunu, mei te ika mata, te poke, te varaoa karo, te tipitoi, tonati varaoa varaipani e te vai atura. Ko te tai tuanga I te Punanga Nui ko te akaora I tetai au kai tei riro ei muramata no te iti tangata, te tiopu kuru, te varaoa tunu ta akari, I teia epetoma ka tunu te TAUIA FARE KAI I te varaoa, komoto tunutunu pakapaka ko te tai kai teia a te iti tangata pae Tokerau e kinaki kai na ratou no te maroro tunutunu e ku muramura te paua te titihi e te vai atura. No reira aere mai ki te Punanga Nui I teia popongi Maanakai ra 9 no Aperira. Te oko katoa nei te tai au tangata I te vai nu, te uto, te nit akairo ki te vi e te parapotini, te vai pateka (smoothly)
Ko tetai kai numero tai I te makete ko te moa kainga ta renga, ta akari, eaa ia pakau aere mai naau te tai.
I to tatou au enua Pae Tokerau e te pae Tonga Tuketuke ta tatou au tunu kai te vai ra te tai pae aiteite te tunuanga te tai pae tuke.
Ka kite tatou I teia au epetoma ki mua no teia au tunuanga kai te ka akaora akaou ia mai. Kua kope to tangata I teia tuatau I te tunu kai no reira kua oko ua te kai I teia tuatau nei. Te akaipoipo, ra anauanga, kave eva, tumatetenga e maata tikai ta tatou akapouanga moni no te oko I te au kai no te reira angaanga, e maata katoa te kaimoumou, ka ariki mai kotou ki taku ko te toenga o te kai kua titiri na te puaka. Aue tano te meitaki o te Atua e kaimoumou ia nei.
E te au metua e noo e tuatua ki te tamariki auraka e kaimoumou e taporoporo ra te pongi nei te tangata o te au enua mamaata. Kare ra a ravenga te tieni nei te tuatau. Kua rava teia kia tauturu mai te Atua ia tatou te Atua te aroa no tatou.
Tetai manako tei ngaro-poina, koia oki ko te tuatua no tei tuku ia atu I teia epetoma I topa. KAMAKUA-kare ko te tika ia o te tuatau maori ra e KAMAKURA. Te tataraaraatu nei au penei ra e patupatuanga taravake I riro ei e akaapaanga na tetai pae tangata Ka akara matatio te Putokotoko I tana au tuatua maori kia tano te tataanga no te au ra ki mua. Me e au uianga ta kotou, me kore ra e au tumu manako kia akairi ki runga I te tumu manako a te Putokotoko taniuniu mai iaku I runga I te numero 24316 me kare 56583. Ka rekareka au I te reira, kia orana e kia manuia, te Atua te Aroa.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009