Te Putokotoko

KO AU TE MATAARA, TE TUATUA MOU E TE ORA ko te na konei mai iaku te tomo ka ora ia.”
Ko tatou ko te tangata nei kua anga te Atua ia tatou te tangata nei, ki tona tu tapu nui e te kaka. E kua aka rangatira te Atua ia tatou.
PEOPLE
1. Tumu Manako. E iti tangata Rangatira tatou I roto I te Atua. Akara tatou kia Iseraela, e iti tangata ikiia ratou e te Atua ei iti tangata nona, kua pera katoa tatou. I mua ake ka tae mai ei te Evangelia kia tatou, e iti tangata tamaki tatou kia tatou uaorai. Ko te mea mataora, kua tae mai te ora kia tatou. E iti tangata tatou kua mou e kua tapoki ia e te Aroa o te Atua.
2. E iti tangata tatou, kua oronga mai te Atua I tetai mana kia tatou. (POWER). Angaanga.1:8 “Ka rauka ra to kotou mana kia aere mai ki runga ia kotou.” Mataio 28:19 – 20. Aere kotou ki te pa enua apii pabetizo I te tangata I roto I te ingoa o Iesu Mesia. E mana kia akaora I te maki. Mareko 16:17-18 Ko teia mana kare taua e oko, mari ua kia ariki I te tamaiti a te Atua ko Iesu.
3. E iti tangata akameimei, me kare akapaapaa, akangateitei I te Atua na roto I ta tatou imene, ura, pee, tateni e te vai atu ra. Me inangaro tatou kia kite tatou I tona tapu nui e te kaka, na tatou na te iti tangata Kuki Airani tetai peu imene reo metua mataora roa atu. Me ruru te apai anga reo te maru te teitei, te reo perepere ka rere toou vaerua I te rekareka, e ka rekareka katoa te Atua I te reira. (PRAISE)
4. e iti tangata ikiia tatou I tona tapu nui. Mei roto mai I te buka Genese e tae atu ki te buka Malaki o te Koreromotu taito. Mataio ki Apokalupo o te Koremotu Ou kua ki I te au tuatua akameitaki akamerengo I to tatou oraanga Rangatira. (PROMISE)
5. E iti tangata nooanga au to tatou, te tai ki te tai. Akara ki te au enua mamaata o teia nei ao te kino e tupu nei kia ratou. Te au arataki e noinoi tikai to ratou ngakau. Kua akakite mai a Iesu kia koe, kiaku me kua roiroi tatou, aere mai kia Iesu. Mataio 11:28. E au taku e vaio atu nei kia kotou kare I ta teia nei ao.
Akakoukou anga. Te iti tangata, te mana, te akameimei. Te turanga rangatira e te au. Ko teia au tuanga tei roto te reira I te buka ora. Ko te kaveinga teia o te ora mou. Te oraanga te aere mai ki mua, mate ki mua
Eaa te au manakonako anga I roto ia koe no teia nga tuanga e rima nei. Aue taue, eaa ia pakau, ko teia au tuanga pouroa ka anoano ia kia oronga me kare kia akakite ia ki ta tatou au tamariki no te mea ko ratou te au arataki o te tuatau ki mua.
Te rongonui nei te okooko o te varaoa varaipani, varaoa uto, varaoa komoto, varaoa pitete, tiopu kuru, varoa popo taakari, moa kainga ta renga, ta akari (Organic Free Range Raro Chicken).
No reira aere mai ki te Punanga Nui Market Monite ki te Maanakai te tai naau me kare ra na toou ngutuare tangata.
Kia Orana e Kia Manuia I te aroa o te Atua.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009