Te Putokotoko

Kia Orana e Mama ma, e Papa Ma, e tamariki ma I te aroa maata o te Atua no teia openga epetoma o te Mateanga e te Tuakaouanga o te Mesia.
E tuatau teia no te au Keresitiano o teia nei ao I te akamaara I te mateanga o Iesu e tona tuakouanga mei te mate mai e akairo ngateitei teia no te ora e te autu I rauka ia tatou na roto ia Iesu.
Kua aka-atinga a Iesu I tona oraanga I runga ia Karavaria no teia nai ao, kua tae tona toto no ta tatou au ara e manganui, kare te Atua I noo poniaau ua no te mea ra kua anga aia ia tatou ki tona tu tapu nui.
Teia te reo o Iesu kia tatou I teia epetoma, auraka tatou kia aite kia Iuda tei ongi pikikaa I te Atu, auraka koe e ongi pikikaa I toou metua, toou taeake. Kua aere a Iesu no tetai tuatau ki tona metua na roto I te pure, e kia oti kua oki mai aia ki tana au pipi (Luka 22:42-45) Kua akaara aia ia ratou mei ta ratou moe.
Kua akakite a Iesu ki tana au pipi I to te Atua Basileia e ora mutukore tona, kia ariki te tangata ia Iesu ei atu ei akaora no ratou.
Ia Iesu e apai ia nei ki te Satauro ka kite tatou I te riri o te au Pharrsea e te au Roma I te tamaiti a te Atua, Eaa roa ia tu ki te tamaiti a te Atua kua tutua ia ki te uavare kua pakia ia, kua akakino ia noou noku. Ko koe ko au ko tatou auraka e ngauiui to tatou akarongo.
E tuatau teia noou, noku kia tuku I ta tatou au tika no te oraanga manea I roto ia Iesu. I roto I to tatou ara-tia kua rauka Ia Pilato I te kite e tangata apakore teia kare ana ara. E kua inangaro a Pilato kia tuku ia Iesu kia aere, kareka ra te Ngati Iuda kare ratou I ariki, teia to ratou reo tuku mai ia Baraba akasatauro atu ia Iesu.
Kua tuatua katoa te Ngati Iuda ei runga mai ia matou tona toto matou e ta matou tamariki. E tama e Ine e taumaa tikai ta te au arataki o te Ngati Iuda ki ta ratou au tamariki e kia te uki I muri mai e tae roa mai ki teia nei.
Luka 23:26-46. Kua oti tei papau ia e tei akanoo ia no tatou ko te aka Satauro ko tetai akonoanga viivii teia I te akautunga I te tangata no ta ratou ara I rave, te oonu o te puta I te vaevae e te rima o te puta naero. Aue tau e te akaroa I te tamiti a te Atua.
Ko te mate Satauro e akakite mai I te tipu keia te tangata mei tona tikaanga rangatira I te oraanga nei. I runga I te rakau taratara kua komokomo ia teia au tuatua, koia oki te akakoreanga ara, te aroa, te aroa ua e te ora.
Naai I rave I teia na te Tamaiti a te Atua, noou, noku no tatou. Kia Orana e Kia Manuia I teia tuatau o te EASTER. Tei tae mai no te akau roa, te akau poto, te au Turoto aere mai ki te New Hope Church te ngai te ako ia ra te ingoa o Iesu.
Te Atua Te Aroa no tatou.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009