Te Karere

TE PARAI MINITA NO RUNGA I NGA ARONGA TOKO TAI NGAURU MAU TORU MOURIA E TE TURE NO TE KAI TITA MATIE
Te akakite nei te Parai Minita e kia riro te mouria’anga ia mai ratou tei kitena mai e o nei ki roto I te kai tita I te akakite ki te iti tangata e kare teia i te mea tau i rot onei i te basileia. Tei akataka katoa’ia oki teia ki roto i te akanoonoo’anga ture a te Kavamani.
Kia riro oki teia ko ratou tei mouria’ia e te ture e auraka to tatou basileia e riro i te rave i teia angaanga tau kore e akakite nei te Parai Minita. No ratou katoa e manako nei e ko teia tetai basileia ka tau i rave i teia angaanga takore no te kai rau tita, kare koe e ora i nana ei e ka riro te ture i te akautunga iakoe. Kua mareka oki te Parai Minita i te angaanga meitaki ta te akava i rave ma te tauturu a te akava mei Nuti Reni mai e kia angaanga kapiti te ai basileia ki roto nei i te pa moana Patipika i te kai tamaki atu’anga i teia tu vaerua taukore.
Kua mou mai oki e tai ngauru ma toru au tangata i teia epetomai topa e e manganui te akaapa’anga tei tau i raro ake i te ture e kua rave ratou mei te apai mai i teia ua taukore ki roto nei i te basileia e te tu’a atu’anga i tei reira ki tetai uatu. Tei roto oki teia au taeake i te ture e ka tu akaou mai ratou ki mua i te akava’anga a teia epetoma i mua. I raro ake oki i te ture i teia ati’anga kare e tau kia akakite’ia e ko’ai ma teia au taeake e tai ngauru ma toru e te pati nei aia i na te Parai Minita e kia kauraro tatou i teia ture. Te pati katoa nei oki te Parai Minita i tetai uatu e tuatua tana i kite no runga ia ratou e rave nei i teia angaanga taukore kia aere mai ki mua e akakite mai i te akava e ko’ai ma ratou.
Kua riro oki ta te akava i rave i na te Parai Minita ei e kua mareka rai aia e tei runga’ao te akava i te akara matatio i teia angaanga taukore ta te mapu e rave nei e te mareka nei aia i ta ratou angaanga e rave nei. Kua roa rai oki te akava i te akara matatio’anga i i roto teia manamanata no ratou te mapu e kai rau tita nei. E turanga meitaki teia ta ratou i rave no te basileia kia meitaki te turanga o ta tatou au mapu

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009