Te Putokotoko

Kua oronga te Minitiri o te tuanga o te Moana I tetai tikaanga ki te Tinito kia tautai I roto I to tatou tuanga Moaua ta te Atua I oronga mai ei kaparata kaikai na tatou e te uki ki mua. Penei I roto I te mata o te aronga akatere ko te moni ta Tinito e oronga mai e moni maata te reira. Inara taku akaraanga atu e tai rai marama kia tautai te Tinito kua oki mai tana, moni e naau Kuki Airani e aka ono mirioni I te Tinito e ka noo putaua tatou.
Teia te uianga eaa tatou I aere ei ki te Tinito I kore ei tatou I aere ki te Tamaiti a te Atua te Atu o te mou o te moana, te rangi e te Enua. Akara Salamo 1:1-4. Auraka e tiki I te pakari o teia nei ao e tiki ra I to te Atua ta te Salamo teia e apii mai nei.
Me e tangata ravakai koe, kua tauta koe mei te aiai e popongi ua ake, kare I rauka taau, kua tano koe ki te tupapaku me kore e po Turuma akaputata ia toou taringa kia akarongo keo I te reo o Iesu I te karanga mai. Oatu ki te moana tuku I te kupenga kia rauka mai te ika. Te oko nei te aronga oko I te ika, ko te mea akaroa, te ngere nei te au ravakai I te oronga I te tuanga ngauru a te Atua, koia katoa te aronga I te tuanga ngauru a te Atua, koia katoa te aronga kimi puapinga te nanave nei I te kai I te meitaki o Iehova e te ngere nei I te kite I te oronga I ta te Atua tuanga. Kua apii te Peroveta a Malaki I te pene toru irava tai-ngauru. Ka apai mai na kotou I te ngauruanga o te au apinga ravarai ki roto I te are vairanga kia Mangaia taku are nei ei timataanga te reira iaku nei I tenana, te tuatua maira Iehova Sabaota ra I te koreanga au I te kiritianga I te au maramarama o te rangi ra ka riringi atu ei I te apinga maata ua atu, kare e ngai e o ei, ei meitaki no kotou.
Tatau I te irava 12. Ka tuatuaia oki e te pa enua katoa, ko kotou tei meitaki e riro oki kotou ei enua inangaroia te tuatua maira Iehova Sabaota ra.
Eaa te maata o te au tangata e aere nei ki te pure e te keia nei ratou I te Atua na roto I te tuanga ngauru, ka akara mata ua te Atua, kare, mei te mea kare tatou e oronga I tana tuanga ka tae mai te teio, te veve, te ngere, te pute puta e te tumatetenga ki te iti tangata e ki te Basileia.
Kimi kimi meitaki I toou manako. Te Kavamani teiea taau tuanga ngauru, te Evangelia, Te enua te oronga ainei tatou I tana tai-ngauru patene, me te apai pouroa nei tatou kia puapinga ia tatou. Naau rai e pau.
Kia Orana e Kia Manuia te Atua Te Aroa.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009