Te Putokotoko

Kia Orana I te Aroa maata o te Atua no teia araveianga. E maata tikai te au mea e tupu nei I to tatou Ipukarea. I teia epetoma kua akamata akaou te oko I te ika I te au ngai okookoanga. Te taei nei ra a Ngati Tangiia I te ature e te tua ia nei ma te tutaki kore. Kua maata ua atu rai te ature I Ngatangiia.
Kua tuatua a Iesu kia Petero “oatu ki te moana ka tuku I te Kupenga kia ei mai te ika I te Moana” (Luka 5:4) Kua rave a Petero I ta Iesu I akaue. E tangata ravakai a Petero rai I maani I tona poti kia tau ki tana I inangaro.
E te au taeake I tetai taime I te marama I topa kua nenei ia mai I runga I te TV Kuki Airani te angaanga maani poti e te vaka ama no te tautai na te Minitiri o te tuanga angaanga a te Moana (Marine)
Kua akakite ia mai ki te Putokotoko e kua tarau te Marine I tetai tangata no Solomona ei apii I te au tamariki Kuki Airani no te maani poti e te vama ama.
Ko Paruru Pera e tamaiti maani poti tautai aia e maata tana au poti I maani, ko John e itu ana poti I maani aia e tei te ava I Avatiu teia au poti te ngai e tutau nei ko Papa Koiatu Nikoro e tangata maani poti e te vaka ama aia no Manihiki.
I roto I te akapouanga moni a te Tuanga o te Moana kua aka tuanga ia tetai moni no teia angaanga kare ra I oronga ia ki te Kuki Airani. Eaa roa teia tu takinokino.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009