Ka mataku I te Atua, ka akateitei I te Ariki

Kia Orana I te Aroa maata o te Atua, kua po te po kua ao te ao e ra ou. Tuatau ou, irinakianga ou manako ou, aerenga ou to tatou to te tangata me MATAKU tatou I te Atua ma te AKATEITEI I te Ariki I te 6 o Tiurai mataiti 1967. Kua akanoo a Papa Arapati Enere K.B.E I te tai nai turanga ngateitei no te Ui Ariki o teia Basileia a teia mataiti ki mua 2012. Ka akamaara tatou I te 45 mataiti o te Ui Ariki o te au enua o te Kuki Airani.
Na te Ui Ariki I Ariki I te Evangelia o Iesu Mesia I tae mai ei te marama kia tatou. Kua akariro te Ui Ariki I te Evangelia ei tama Ua nana.
Kia mate a Papa Arapi, kare te turanga o te Ui Ariki I te Evangelia e matutu akaou. Kua topa roa te turanga ki raro e kare e akangateitei akaou ia te au arataki enua. E tama, e ine, e ma e pa, e turu pakari nei te Putokotoko I teia ngateitei no te ui ariki I teia Basileia (Maseli 8:15-21)
“Noku I ariki ei te au ariki e I akatupu ei te Ui Ariki ra I te tuatua tika. Noku I tutara ei te Ui Ariki ra, e te aronga mana, te au akava katoa o te enua nei. Te inangaro nei au I te aronga e inangaro mai iaku ra e tei kimi vave mai iaku ra, e kite ia ratou iaku.” Tei iaku te apinga maata, e te akangateitei te apinga vaio ngata, e te tuatau tika. E ua meitaki maata tei iaku, I to te auro, I to te auro meitaki roa ra, e taku nei apinga I te ario ma meitaki ra. Te arataki nei au na te ara tuatua tika ra, na rotopu I te au arataa tuatua tau ra. Kia akamata au I te apinga a te aronga I inangaro mai iaku ra, e ta ratou, au vairanga e akakiiia e au. No reira e te Kavamani e te Evangelia e te aronga mana enua akara meitaki I ta te Maseli e tuatua nei ki to tatou ngakau.
Ko te moni e tutaki ia nei to tatou UI Ariki, kare I te moni meitaki e mea tau kia akarakara akaou ia te turanga o te Ui Ariki I teia ra. E patianga teia me inangaro koe I te kai o te vaerua aere mai ki te Are Pure o te New Hope I te apa no te ora ngauru I te popongi karere no te Sabati ko taau e Ruru ko taau rai ia e Koroti.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009