Te Putokotoko

Ka mataku I te Atua, ka akateitei I te Ariki

Kia Orana I te Aroa Maata o te Atua.
Kare te reva I teia au ra e meitaki roa ana e pakari te matangi tikitiki te moana, kare te au ravakai e meitaki I te aere tautai. Kareka ra te aronga tanutanu te meitaki nei ratou, no te tanu I te au kai o te anga runga mei te tomati, mereni, apuka, te meika, te parapotini, te nita e te vai atura. Te au kai o te anga raro mei te taro, tarua, te maniota, te kape, te ui e te vai atura.
I roto I teia tuatau oraanga o te tangata e taime maroiroi e taime apikepike, e tuatau maromaroa e tuatau rekareka, kareka ra te aroa o te Atua, ka vai ia elimua.
Ko te Atua te Metua tei te rangi aia I tona tereno kaka e te tapu nui ko Iesu te noo nie aia I te rima katau o te Atua te pati ra I ta tatou tuanga. Kareka te vaerua Tapu kua tono mai te Atua raua ko Iesu kia noo tika kia tatou, kia aere mai ki runga ia tatou e kia noo ki roto ia tatou (Ioane 14:16-17 Angaanga 1:8)
1. Ioane 3:8
“Ko tei rave I te ara ra, no te diabolo ia i rave ana te diabolo I te ara, mei muatangana mai rai no reira I akakite’ia mai ei te Tamaiti a te Atua ra kia akakore aia I te angaanga a te diabolo.”
E 2 tauatini mataiti I topa ake nei kua akaruke a Iesu I te rangi e kua aere mai ki te ao nei no tetai tumu maata, kia takore I te au parani angaanga a te diabolo. Ko te Vaerua Tapu ko tetai ona ingoa ko te Akapumaana. Na teia vaerua tapu o te Atua e apai I te pu maana ki to tatou au ngakau I te au tuatau tumatetenga. Ioane 14:16
Ko te Vaerua Tapu o te Atua ko tetai teia o te au tuatua tauetono ia I roto I te au akonoanga Pure. I te mataiti 1906 kua aere tetai o te au tamariki apii Orometua ki tetai iriirikapua I Azuza Street I Marike. I teia tuatau te Atua I riringi mai ei I tona Vaerua Tapu ki runga I te puapii e te au tamariki I te Vaerua (gift of the Holy Spirit in Speaking in tongue) Kua kiia teia au tangata I te vaerua o te Atua mei tei tupu I te ra Penetekote.
I te mataiti 1854, kua riringi mai te Atua I teia vaerua ki runga ia Maretu Orometua o Ngatangiia I tona oki’anga mai no te Mangaia. Kua aere atu a Maretu I Rakahanga kua riringi mai te Atua I tona vaerua ki runga ia Maretu e kua pure aia I roto I te reo rangi kua poitirere to Rakahanga. Ia MAretu e pure nei I roto I te reo rangi kua neke te vana ki te pae e kua aere te tangata mei te oire te kainga ki te oire e tu mai nei te are pure.
Kia Manuia I teia openga epetoma.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009