Te aka rarangianga ia Te Tika Mataiapo Dorice Reid

Kua takake atu na te ara tiroa o te mate na roto I tetai mea poitirere a te Tika Mataiapo Dorice Read I napo I Nuti Reni.
Koia oki te maine akatere ‘au o te Koutu Nui e pera katoa tei ikina’ia te ka mata atu i te basileia i Nuti Reni koia te High Commission.
Ko te karape i tana arataki mai’anga i te Koutu Nui kua pakari tei reira i te taporoporo’anga i to tatou ao natura e te marama e ka akapeea tatou i te ta’angaanga meitaki’anga i teira uaraka kia ngaro. Ko teia te manganui’anga i tona turanga iaia i runga i teia tao’anga nei no tona uaorai iti tangata e pera katoa te basileia. E tuatua putuputu na Te Tika te manotini’anga i te au mea mekameka o te ao natura ta tatou kia ariki. Koia katoa oki tei akariro i to tatou vaka teretere moana i te rotai mai’anga ii te iti tangata porinetia. Na roto i reira i teia tu karape nona e pera te marama e kua toto’a tei reira i vao mai i te basileia.
Ko te vaerua rangatu ra i te angaanga ta Te Tika i rave ana no tona iti tangata uaorai; na roto i tana opara e te turuturu’anga i te ao natura ta tatou e noo nei e kua akariro aia i te taokotai’anga Koutu Nui i te opara uatu i teia – mea teia e ngakauparau ana aia i na Te Tika ei.
I mua ake ka oki mai ei aia noo tinamou ki konei e piri ana rai a Te Tika i te angaanga poritiki o Nuti Reni na roto i te National Party i te kimi’anga i tetai ravenga kia o aia i roto i te ngutuare paramani o Nuti Reni.
No tana angaanga ki roto i te Kavamani, kua noo ana a Te Tika ki runga i te kopapa metua no te angaanga Turoto e tetai atu au lumiti no tetai au mataiti; e i roto katoa i te pupu na ratou e iki ana i te au aronga angaanga Kavamani. E turu pakari ana a Te Tika kia angaanga kapiti te Kavamani ki te aronga angaanga paraiveti e puapinga ei to tatou basileia. I tona tao’anga Te Tikak Mataiapo, kua angaanga kapiti ana rai aia ki te taote a Graham Matheson, no te kimi ravenga kia puapinga ia te ta’angaanga’anga i te au vai rakau natura kia meitaki to tatou maki – e angaanga teia ta Te Tika i noo ngakauparau ana i te mea ka kitena te puapinga i te ao natura no tatou no te basileia kia meitaki to tatou au manki ta’angaanga i tei reira

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009