Te Putokotoko

Te Liona o te Kopu o Iuda

Isaia 53:5. Kua koia ra aia na ta tatou au ara ra, kua akaparuparuia aia no to tatou au kino, e te papa I-au-ia i to tatou tei runga iaia, e no tona au puta I ora’I tatou.
Kia Orana tatou I te Aroa maata o te Atua. Ko to tatou atu ko Iesu, mei roto mai aia I te takere o te Kopu o te Metua Atua, ki roto I te Kopu o te vaine, kua rave aia I to tatou paruparu kia rauka ia tatou te oraanga rangatira. Kua riro mai aia ei tamaiti na te tangata, e kia riro mai tatou ei tamariki na te Atua.
No te rangi mai aia I te ngai kare te au peka vai e maro, kare o reira e matangi uriia, e ngai kare rava e kiona, kare rava te tiare e mae, e kare oki e tangata e makimaki.
E ngai kare e tangata tiaki I tei mate, e kare oki o reira e mate, e kare okotai e tanumia.
Kua anau ia aia I raro ake I te ture Roma kua noo I roto I te putaua, kia puapinga ia koe e au, kare ona mekameka, kare e apiianga teitei mei to te teia tuatua, kareka te pakari o te tangata nei kare te reira e piri vaitata atu ki tona tu karape e te rongo meitaki I ta Ioane I tata I te pene 13-17 o te Evangelia a Ioane.
Ko tona Kopu Tangata kua maitu ratou o tana au angaanga e tamaiti ariki aia I tona tamarikianga, kua poitirere te au tangata kite pakari I tona tu e tana au angaanga e oti ake ra, e ngauru ma rua rai ona mataiti. E kite pakari tona I to te au tangata o teia ao. Kua kauraro te ture o te mareva ki taua tuatua, kua aere aia na runga I te kiria tai kare I kitea ia I raro I teia nei rangi. Kua kauae aia I te matangi kia marino e te ngaru kia muteki.
Kua akaora aia I te oronga maki mate kore e vairakau e kare aia I pati kia tutaki ia tana angaanga meitaki.
Kare aia I tata I te puka nona uorai kareka ra te au puka I tataia nona e manotini te reira, kare aia I atu e I tata I te imene nona kareka ra ki tei tataia te au imene nona e kapitipiti ia te au imene o teia nei ao kare e aite atu ki tona.
Kare e apii teitei I kitea e ia, kareka ra te maataanga o te au apii teitei o teia nei ao e maata atu te tamariki I te aka manako iaia. Kare aia I aere ki te apii taote e oti ake ra kua akaora aia I te au tangata maki e te aronga ngakau paruparu.
Kare aia I tereni I te au tangata ei vaeau tamaki e kare aia I puipui I tetai paura me kare e pitira.
Ko Iesu te tutara o te mareva, e toka tiava, koia te Liona e te mamoe akamoeau e koia te akaora o te au maki roarai. Kua rave teia no tatou.
Manako openga te aere nei rai te keikeia I te au pepa rauao o te au are meangiti o te Punanga-Nui. E ma e pa, akara ka mangeo taau to’e.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009