Te Putokotoko

Ioane 3:16 “I aroa mai te Atua I to teia nei ao, e kua tae rava I te orongaanga mai I tana tamaiti anau tai, kia kore e mate tei akarongo iaia, kia rauka ra te ora mutukore”
Kia Orana akaou tatou I te aroa maata o te Atua I teia araveianga. Te karanga nei te Aposetolo a Paulo. “Naai e akatakake ia tatou mei te aroa o te Atua, na te maki aiana, na te pongi aina, na te mate aina, kare e mea e tika kia akatake ia tatou I te reira. Ko te aroa o te Atua ko tetai teia o te ua a te vaerua tapu.”Galatia 5:22
Ko te Satauro o te Mesia, ko te tango te reira o te aronga tei irinaki e tei akarongo I te tuatua o te ora mutukore. E tama, e ine ka rauka ia koe kia tuku I toou ingoa ki roto I te pene tatau o te Ioane 3:16 mei teia taku tatauanga. I aroa mai te Atua ia Ngarima George e kua rava I te orongaanga mai ia Ngarima George te ora mutukore, kia kore a Ngarima George e mate. Aue taue, kare e aiteia te manea e te mataora, kia tatau koe e te kite tei roto toou ingoa I te buka ora a te Atua.
Mei te ra 6 no Tianuare 1986 toku kiteanga I toku ingoa I roto I te tuatua na te Atua e mea mataora e te inangaro maata naku I te tatau I teia irava I te au ra o toku oraanga e te au ngai taku ka aere au.
Ko maua ko taku vaine tetai I roto I te manotinianga o te au tangata tei anau akaou I te akakite I teia nei karere ora ki te au tangata ta te Atua ka apai ia maua e tana ka apai mai kia maua.
E mama ma, e papa pa, ka rauka ia maua ko toku tokorua I te kite I te rima maroro o te Atua I roto I to maua oraanga e ta te Atua akameitakianga. E mea ingangaro na maua I te kite I ta te Atua I akaperepere mate akamaroiroi atu I te reira taeake kia aere ua atu rai ki te pakari mou.
E te au taeake mate au tuaine e pure mai no maua kia maata ua atu rai ta maua ako e te akakite I teia nei evangelia.
I te Punanga Nui Makete, ko to maua are e 24 te reira, E 24 ora I te ra to te Atua Aroa ia maua, e tana tiaki e te akameitaki mai ia maua.
E maata te tangata e aere mai nei no to ratou au maki kopapa e te maki vaerua katoa e te tauturu nei te Atua ia maua no te reira tuaainga akara Ezekiela 47:1-12 tatau meitaki I teia pene tatau, kua akakite te Atua ki te Peroveta e ko te rakau, te tiare te rau te ua I te pae o te kauvai e vai rakau te reira, no te maki o tona iti tangata.
No reira e te au taeake e inu me kore ra e kai I te rakau maori kua oti I te Atua I te akatainu no to tatou oraanga. E tuku I to tatou irinakianga ki roto I Te Tamaiti a te Atua ma te ekokore kia rauka te ora.
Kia rava teia no tatou. Kia Orana e kia manuia.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009