Te Putokotoko

Kia Orana I te Aroa Maata o te Atua ko tei akatika kia aravei akaou tatou na roto I te au tataanga a te PUTOKOTOKO.
Ka rua marama I teia nei I te au metua pakari e te mapu I te matemate, tetai pae kua roa te tuatau makimaki, ko tetai pae kare I tukua nga ra, ko tetai pae te mate nei I runga I te mataara.
I roto I teia nei ao e maata te au ana rongonui e ko to ratou au tuatua tapapa kua tataia te reira. I roto I te oire ko Virginia e rongonui tikai te tuatua no te Chesapeaka Bay Bridge (Ana) I te oire ko New York ko te Brooklyn Bridge e te kiteaia e te mata tangata ma te akara atu ki Manhattan. I Australia e rongonui tikai te Sydney Opera House.
E ma e pa ko te ana roangarere I roto I teia nei ao tei Tinitio te reira. I teia nga marama I topa ake nei kua akatuera ia teia ana, ka oro teia rerue mei Beijing-Shanghai. Ko te moni tei pou mei te $32 pirioni tara, e 220,000 tauatini patete ka aere na runga I teia rerue I te au ra o te epetoma, I te au ora o te au angaanga ka akaruke te rerue I te au rima meneti o te ora. Ko tetai mea umere I roto I teia kimikimianga ko te maata I te au ana ta teia rerue ka na runga mei te 85 patene o te au ana kua akamouia ki runga I te 244 ana te katoanga. Okotai anere maire te roroa o teia ana. E ine ma e tama ma kare atu e ana mei teia te roroa tona amani-anga ia. Kua kite ra au I tetai ana roroa atu I teia I Tinito te oro nei au na runga I teia nei ana I te au ra o toku oraanga. Ko te ana roroa atu teia I teia nei ao katoatoa. Ka akarongo tatou I tona tua tapapa. Ko tona amanianga ia kare te kite tangata e tae ria tona mekameka e tona matutu. Kua tango ia takapini I te tatauro I Karavaria.
E kua akamou’ia te reira ki roto tikai I te pukuatu o te Atua, kare roa te reira e araara, e kare oki e ngaue I te ngaruerue enua. E roroa tikai te reira e te tika no te mea ko tona tauanga ko te Atua. Ko te ana teia e tae atu ei ki te ora mutukore.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009