Te Putokotoko

TE ANA O TE MATE KI TE ORA MUTUKORE’ I runga I te Satauro I Karavaria kua tukati te Atua I te mate mutukore ki runga ia Iesu kia rauka te ora mutukore no tatou no te tangata nei. Kua akamutu ia e kua tango ia te ora o te tangata ki runga I teia Satauro o te Mesia.
Ko tatou ko te tangata nei tei te tai tara tatou o teia Satauro tei reira te mate, te ara e te ravenga kore o te oraanga. Ko te Atua ra, tei tetai tara aia te ora mutukore e kare o reira e mate, pongi mari ra te rekareka e te perepere Kavana.
Kua riro te Satauro ei akapiri vaitata ia tatou ki to tatou Atua na roto ia Iesu. Akara 1 Timoteo 2:5. Okotai oki Atua, okotai oki aria I rotopu I te Atua e te tangata ko te tangata ra ko Iesu Mesia.
Aue taue e, e tangi toku e te mamae ngakau me takake tetai o toou taeake pirimou na te mate kare e rauka ia tatou kia akaoki mai I te reira taeake. E manganui te au pureanga akapumaana Kopu Tangata e te aere ke nei te au manako e akakite nei no te reira taeake. I oraana te reira tangata kare tatou e inangaro I te atoro me kare i te tuatua I tona tu, kia mate kua tuatua tatou I tona au tu meitaki uuna tatou I tona au tu kino tetai au tangata ka karanga ratou auraka e akava I te reira taeake na te Atua ua te akava. Me rave te tangata I te ara e kia mate te reira tangata kua karanga tatou kare e manamanata, ka aere te reira tangata ki te Basileia noatu e te noo aia I roto I te oraanga kare I tau ki te tuatua na te Atua. Ka karanga tetai au tangata te mate nei tatou ei akatupu I ta te Atua.
Ka ui te uianga me kua mate tetai tangata e kua ui aia I te arataa I roto I te kona kava ka karanga tatou e na te Atua teia I pera ei KARE KARE RAVA.
Kua karanga a Paulo kare te kona kava e o ki te Basileia o te Atua. Akara Galatia 5:16-21 e tatau I teia pene ka kite tatou eaa ta te tuatua a te Atua e apii mai. Teia ta Ioane Peroveta I tata I Ioane 5:11-12. Teia oki taua tuatua ra kua oronga mai te Atua I te ora mutukore no tatou. E tei tana Tamaiti oki taua ora nei tei iaia te Tamaiti ra, tei iaia katoa E kare iaia te Tamaiti a te Atua ra, kare katoa iaia taua ora nei.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009