Te Karere

TE TARERE NO TE MANAKO E PERA TE KOPAPA
Te va nei rai te tika’anga no tetai uatu te anoano nei I te tomo ki roto I te porokaramu kopapa e te upoko akamatutu te ka akamata atu I t era 25 no Tiurai. Te akakite nei oki a Nathan Wuatai e e au ngai rai tetai e va nei i roto i teia tai ngauru ma rua epetoma o te tarere e te akamaroiroi ia nei tetai uatu kia tomo ki roto. Mei te varu tauatini e rima anere tauatini tara tei akapou’ia no teia tarere te ka tapiri atu te retita’anga i teia varaire. Ko te au tangata te ka tomo ki roto i teia porokaramu ka oronga iatu ki a ratou tetai au kakau piriaro.

KO TAI TURA TE TAUTURU VAA TUATUA OU O TE ARE PARAMANI
Kua ikina iatu te mema paramani o Akatokamanava koia a Tai Ture ei tauturu vaa tuatua no te are paramani i muri ake ka noo atu ei a John Henry, koia tei mou mai ana i teia tao’anga. I roto i te are paramani i teia epetoma kua akatinamou ia teia i te ariki’anga iatu te pepa akanoo mei runga i teia taoanga mei konei atu ia John Henry. I raro ake oki i te ture kare tetai uatu e akatika’ia kia akairi’ia ki runga i tetai minita o te korona me kare tona tauturu – ko te tumu teia i noo atu ei a John mei runga i teia turanga. Kua riro e na te Parai Minita na Henry Puna i iki ia Tai Tura ki runga i teia taoanga tauturu vaa tuatua e kua turu iatu tana tamanako’anga e te tauturu parai minita a Tom Marsters

TAPA RAVA TE TURANGA O TE VAI KI RARO I RAROTONGA NEI
Te akakite nei te tu’anga o te Vai i roto i te Kavamani o te parani e te akapuapinga i to ratoou irinaki’anga e kia tapa te ua – e au tuanga tetai i Rarotonga nei kare e tae meitaki ana te vai. Kua kitena ia mai oki i roto i ta ratou akarakara’anga e kua tapa roa te vaito vai i te manganui’anga o te au tura vai ki raro mei te rima ngauru patene o tetai i te au tangika i to ratou vaito vai. Kua tapa takiri oki ki rarto te vaito vai i roto iakoe e Turangi. Ko te manamanata o te vai e tapa nei i tetai au tu’anga i Rarotonga nei kare e tano e kia akaapa tatou i te tu’anga o te vai. Ko te manamanata maata kare te vai e tae meitaki ana.

TE PATAI’ANGA I TE VAKA MARUMARU ATUA I CALIFORNIA
Te irinaki nei te tu’anga o te Turoto e ka va mai te parai minita a Henry Puna kia aere atu aia ki California a teia marama ki mua no te ariki e pera te patai atu i te Marumaru Atua, te vakamoana o te Kuki Airani. I te akartuke’anga atu oki te vaka i a Waii kua tapae poto atu tei reira ki te tuanga opunga i a Marike ka tae atu ei ki California. Ka tae atu oki te Marumaru Atua i te ra 5 no Aukute. Ko tetai ravenga teia i na te tuanga Turoto ei i te aka maunu atu i te au turoto kia akaronga i te Kuki Airani e kia rauka ia ratou i te aere mai ki konei a teina nga ra. Te akateateamamao nei oki ratou i tetai pporokaramu no te patai atu i te vaka na roto i te akanoonoo’anga a te opati o te turoto i Marike. Me e tangata tetai te anoano nei kia teretere atu ki Marike no teia akakoro’anga kia taniuniu atu i te Opati o te Turoto o konei kia rauka tetai marama akakpapu’anga noo e ka akapeea koe i te piri’anga ki teia patai’anga mei te patete pairere ki Marike, te tutaki’anga i te ngai noo’anga e pera katoa taau akapou’anga moni i te tuatau iakoe ki Marike

KO ARTHUR TAIONO, TE KIMI NEI I TONA METUA TIKAI
Te noo i teia ra tetai tamaiti mei Araura enuamai te anoano nei i te kimi tikai e ko’ai tona metua e pera katoa tona ngutuare tangata i teia ra. E Kuki Airani teia e noo nei ki Nuti Reni e te tamata pakari nei aiai i te kimi e ko’ai tikai tona metua e kua pou rai oki i nana ei mei te ono ngauru ma a mataiti i te akatakake’anga ia aia mei tona metua – e tangata vae’au teia tei angaanga ana i Aitutaki i te tuatau o te tamaki’anga rua o teia nei ao e i te tuatau iaia i Aitutaki kua piri atu aiai ki teia tamaine koia a Martha Taiono inara, kua akaoki iatu teia vaeau ki Marike e kare aiai i kite ana i tana tamaiti e tae mai i teia ra. Kua akaoki’ia oki a Arthur, teia vaeau ki Marike i te mataiti tai tauatini e iva anere e e ngauru ma ono e te anoano nei a Arthur kia kite tikai aia e ko’ai tona kopu tangata marike i teia ra

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009