Te Putokotoko

To Tatou Are Puakapa I ko I te Atua.

Pene Tatau Ioane 14:1-4
Tumu Manako Maata “Ka aere au ka akamanea I tetai kainga no kotou r me oti ka oki mai au ka apai ia kotou ki reira.”
I roto I teia Irava te kite nei tatou e maata te au are puakapa ta te Atua I teateamamao I tona Basileia no tana au tamariki. Ko teia au tamariki e tuatua ia nei ko te au tangata tei anau akaou ratou I roto I te Vaerua Tapu o te Atua.
Teia ta te bibilica I apii tei roto tatou I teia nei ao, kare ra tatou no teia nei ao. Kua anau ia mai tatou I roto I te ara e kua ngere tatou I te akameitakianga no te Are Puakapa o te Basileia o te Atua. (Roma 3:23) Ko te utunga o te Ara ko te mutukore, kareka te ora mou tei roto ia Iesu te tamaiti a te Atua e mea oronga ua ia mai.
E te au taeake me akara tatou I tetai akakite anga a te avata tutu a te CITC. Te akakite nei me oko I tetai o teia pakau I roto I to ratou toa, mei te umu te Fridge te roi moe te nenei tutu ka tuku ia toou ingoa ki roto I te ruruanga maata e ka re koe I te $10,000. Ko tatou ko te au keresitiano te paruparu nei tatou I te aere I te akakite I te evangelia.
I roto I teia nei ao e maata tikai te au turoto e teretere nei mei tetai enua ki tetai I Rarotonga nei kua ki te au ngai tarauanga no te Turoto e te maata katoa te moni tutaki.
Te meitaki nei e te puapinga nei te au ona Otera. I roto I to te Atua Are Puakapa koia oki ko to tatou kopapa e mao te reira ta te Atua I akata ei angai nooanga no tona Vaerua Tapu. Kare te Atua e noo ko roto I te are viivii no te mea e Tapu Nui te Atua. Ko to tatou kopapa e ngai nooanga no te vaerua o te Atua e tuatau ua atu. (Ioane 14:16-17)
1) Tei konei ia tatou te Vaerua Tapu
2) Tei roto ia tatou te Vaerua Tapu o te Atua noo ei
3) Ka aere mai te Vaerua Tapu ki runga ia tatou (Angaanga 1:8)
Teia te au takainga no te tangata kia aere na roto
1) Kia anau te Vaerua I mate I te ara
2) Kia noo te Vaerua Tapu ki roto ia tatou
3) Kia akaokiia tatou ki te Vaerua Tapu
4) Kia Ba’petizo ia tatou ki te Vaerua Tapu
5) Te Akamainuanga a te Verua Tapu
6) Aaere I roto I te arataki a te Vaerua Tapu
Ko te au akairo I runga nei na te reira e apii mai e, e Are Puakapa Tinamou toou.
Kia Orana e Kia Manuia.

Headlines : Times 290 02 March 2009
- Lucky $1,000 winner
- Century old palm trees and the French connection
- Koutu Nui takes part in Raui meeting in Moorea
- WOM Award Dinner for Ake Hosea-Winterflood
- Island of Atiu to host Koutu Nui AGM in June 2009